Schrift vergrößern
Hildebrand Sauer (82) a jeho syn André Sauer (43) staj rady na sewjernym brjoze Třižonjanskeho jězora. Tam je PLB Łaz před wjele lětami skłoniny wuhotowała. W 30. lěće je za firmu wažne, so na nowe wužadanja přichoda nastajić.
Poprawom je so dr. Hildebrand Sauer ze skótnym lěkarjom stać chcył. Tola jeho mać bě jemu k ratarstwu radźiła. „Moja wowka Marta Sarodnikowa je hišće wšědny dźeń běžnje serbsce rěčała. Wona chodźeše wšědnje w narodnej drasće“, powěda dźensa 82lětny. „Sydom z jeje jědnaće dźěći je we wójnje zemrěło … Tutón trawma moju wowku čas žiwjenja wjace njepušći.“
Karta Łužiskeje jězoriny nazornje pokazuje, na kotrych bywšich płoninach wuhlowych jamow su dźensa wodźizny a hdźe su dalše wužitne płoniny nastali. Motor rekultiwěrowanja w Hornjej a Delnjej Łužicy je firma PLB Łaz. W přichodźe měli fairnu bazu zrěčenja z LEAG wujednać – w zajimje něhdźe 30 sobudźěłaćerjow.
Hildebrand Sauer (82) z Łaza pokazuje na karće Łužiskeje jězoriny kónčiny, hdźež je PLB rozsudnje naslědnu krajinu wuhlowych jamow sobu wuhotowała. Z rekultiwěrowanjom je so čas žiwjenja zaběrał.
