Łužiscy ratarjo přihotuja pola za nalětni wusyw
Nuknica/Róžant/Zdźěr (SN/MiP). Hinak hač smy to wosobinsce snano začuwali, běše lětuša zyma w Sakskej statistisce w přerězku wo nimale stopjeń celsiusa ćopliša, hač zymy minjenych 30 lět, zdźěla Němska wjedrowa słužba (DWD) na swojej internetnej stronje. Nimo toho bě najebać sněh a lód pod smužku přesucho, pisaja meteorologojo. Lětsa mějachmy w Sakskej přerěznje 90 litrow spadkow na kwadratny meter, zymski přerězk minjenych 30 lět pak je 152 litrow.
