W Kamjencu změja atraktiwniši poskitk za płuwanje

Kamjenc. (SN/jp). Twar noweje kupjele w Kamjencu móža wotnětka konkretnje planować. To su njedawno zastupjerjo zaměroweho zwjazka Lessingowa kupjel Kamjenc wobzamknyli. Zaměrowy zwjazk wobsteji wot lěta 2024 a bu za zwoprawdźenje projekta noweje kupjele, kotraž změje wonkowny basenk z arealom, załoženy. Čłonaj zwjazka stej město Kamjenc a wokrjes Budyšin. Nimo zaručenja wšědneho poskitka kupjele je jeho nadawk, za měšćanow a za wopytowarjow z blišeje a dalšeje wokoliny atraktiwny wólnočasny centrum wutworić a z tym přićahliwosć regiona za turistow zwyšić.