Kritizuja plany Zwjazka spěchowanja płunowych milinarnjow dla

Choćebuz/Podstupim/Zły Komorow (SN/MiP). Płunowe milinarnje su wažny zakład za energijowy přewrót w našej republice. Wone zaručeja zastaranje z milinu w nocy kaž tež w časach, hdyž słónco njeswěći abo wětr njeduje. Porno wuhlowym abo atomowym milinarnjam hodźi so jich produkciska kapacita jara spěšnje potrjebje miliny přiměrić. Nimo toho dowola jich technologija, zo móžemy je w přichodźe ze „zelenym“ wodźikom ćěrić. Wone su potajkim móst ke klimowej neutraliće, kotruž chce Němska hač do lěta 2045 zwoprawdźić.