Ćišćane wudaće Serbskich Nowin nadal zaručene

pjatk, 13. nowembera 2026
artikl hódnoćić
(0 )
Na zhromadnym terminje w ćišćerni na Horach: Jednaćel zawoda Tom Koops, wyša redaktorka SN Bianka Šeferowa, nawoda ćišćernje Dominik Lein a jednaćel Ludoweho nakładnistwa Domowina Syman Pětr Cyž (wotlěwa). Foto: DVH WEISS-Druck Na zhromadnym terminje w ćišćerni na Horach: Jednaćel zawoda Tom Koops, wyša redaktorka SN Bianka Šeferowa, nawoda ćišćernje Dominik Lein a jednaćel Ludoweho nakładnistwa Domowina Syman Pětr Cyž (wotlěwa). Foto: DVH WEISS-Druck

Budyšin/Hory (SN). Dojednanje wo ćišću Serbskich Nowin za lěto 2027 je předewzaće DVH WEISS-Druck tzwr na Horach spočatk tohole tydźenja podpisało. Jednaćel Ludoweho nakładnistwa Domowina Syman Pětr Cyž a wyša redaktorka serbskeho wječornika Bianka Šeferowa staj předewzaću nowy ćišćerski nadawk wosobinsce přepodałoj. Skupina Weiss, ke kotrejž zawod na Horach słuša, chce swoje stejnišćo w Hornjej Łužicy zachować, hačkuli tam hižo tydźenik „Wochenkurier“ njećišća. Produkcija wysokeho nakłada tohole tydźenika je hač do lońšeho wulki dźěl kapacitow firmy wjazała. Tole nětko w zawodźe zaměrnje z nowymi nadawkami narunaja. „Spušćomne dobre zhromadne dźěło na dobro serbskeho pismowstwa chcemy rady dale wjesć“, zwurazni Tom Koops, kotryž je wot 1. oktobra nowy jednaćel zawoda na Horach. Tomu so nawoda ćišćernje Dominik Lein přizamknje.

wozjewjene w: Hospodarstwo
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo