Ćěkancy trjebaja wjac zwiskow

pjatk, 23. februara 2018
artikl hódnoćić
(0 )
Rady wobdźělaja so Gamela Ebey a jeje mandźelski Mustafa Omar ze swojimi dźěćimi Aziz, Hivi, Mohamadom a Hesu (wotl.) ze syriskeho Kobanê na zetkawanskim kofeju we Wojerecach. Dwě lěće woni hižo we łužiskim měsće bydla.  Foto: Andreas Kirschke Rady wobdźělaja so Gamela Ebey a jeje mandźelski Mustafa Omar ze swojimi dźěćimi Aziz, Hivi, Mohamadom a Hesu (wotl.) ze syriskeho Kobanê na zetkawanskim kofeju we Wojerecach. Dwě lěće woni hižo we łužiskim měsće bydla. Foto: Andreas Kirschke

Wojerecy (AK/SN). Zetkawanski kofej towarstwa „Wojerecy pomhaja z wutrobu“ a iniciatiwy „Sylnić aktiwnych w dźěle z ćěkancami“ (samo.fa) wjedu ćěkancow a Němcow hromadźe. To ma dale a wjac Wojerowčanow za spomóžne.

Tójšto rěčow je na žurli młodźinskeho kluba „Ossi“ słyšeć. Prawidłownje přichadźeja tam Syričenjo, Irakčenjo, Libanonjenjo, Eritrejčenjo, Němcy a dalši na zetkawanski kofej. Tak tež minjenu srjedu. „Přińdźemy, dokelž trjebamy zwiski. Jenož tak němčinu derje nawuknjemy. Jeničce wučba w šuli njedosaha“, měnitaj Gamela Ebey a jeje mandźelski Mustafa Omar ze syriskeho Kobanê. Ze swojimi dźěćimi Aziz, Hivi, Mohamadom a Hesu bydlitaj wonaj hižo dwě lěće we Wojerecach, lěto maja swójske bydlenje. Na srjedownym zarjadowanju woni kulturny program kedźbliwje sćěhuja. Dźěći ćěkancow rejuja a spěwaja. „Předewšěm na zetkawanskim kofeju tworja so kmótřistwa a přećelstwa. My skićimy jenož móžnosće za to“, podšmórnje koordinatorka wobydlerskeho zwjazka „Wojerecy pomhaja z wutrobu“ Birgit Radeck.

wozjewjene w: Socialne
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND