SGB zhladuje na 37 krajnych finalow

wutora, 30. julija 2019
artikl hódnoćić
(0 )
Najwuspěšniše šulerske mustwo SGB na sakskej runinje we wobłuku wubědźowanja „Młodźina trenuje za olympiju“ su wo lejbulistki minjeneju 11. a 12. lětnika. Wone docpěchu pjeć króć za sobu krajne finale, hdźež dobychu jónu slěbro, tři razy bronzu  a docpěchu jónu 6. městno.  Foto: Měrko Korjeńk Najwuspěšniše šulerske mustwo SGB na sakskej runinje we wobłuku wubědźowanja „Młodźina trenuje za olympiju“ su wo lejbulistki minjeneju 11. a 12. lětnika. Wone docpěchu pjeć króć za sobu krajne finale, hdźež dobychu jónu slěbro, tři razy bronzu a docpěchu jónu 6. městno. Foto: Měrko Korjeńk

W minjenych 18 lětach wobdźělichu so sportowče a sportowcy Serbskeho gym­na­zija Budyšin (SGB) na 37 sakskich fina­lach we wurisanju „Młodźina trenu­je za olympiju“. W šěsć družinach wuwojowachu sej mustwa SGB jednu złotu, šěsć slěbornych a jědnaće bronzowych medaljow.

W sportowych stawiznach Serbskeho gymnazija ma 20. měrc 2001 wosebity wuznam, dokelž startowachu to jeho šu­le­rjo prěni raz w kónčnym sakskim wubědźowanju pod hesłom „Młodźina trenuje za olympiju“. Šěsć hólcow 7. do 9. lět­nika dojědźe sej tón dźeń do Döbelna, zo bychu so mjez šěsć najlěpšimi šulemi swobodneho stata w blidotenisu wubědźowali. Z kapitanom Renéjom Ryćerjom zakónčichu woni turněr na 5. městnje. Lěto pozdźišo mytowachu jich w Döbelnje z bronzowej medalju.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND