Zahroda za nutřkowne město

pjatk, 20. nowembera 2020
artikl hódnoćić
(0 )
Areal pod tak mjenowanej horncowej halu w Kamjencu je dotal zanjeseny kućik. Tam chcedźa přichodnje rjanu zahrodu wuhotować.  Foto: Uwe Menschner Areal pod tak mjenowanej horncowej halu w Kamjencu je dotal zanjeseny kućik. Tam chcedźa přichodnje rjanu zahrodu wuhotować. Foto: Uwe Menschner

Město Kamjenc zhladuje na swojim teritoriju na wobšěrne tradicije zahrodnistwa a krajinotwara. W tym wobłuku móhła nětko dalša zajimawosć k tomu přińć.

Kamjenc (UM/SN). Na sakskim wubědźowanju „Ab in die Mitte“ je so město Kamjenc wuspěšnje wobdźěliło. Ze swojim projektom „Zahroda při mnišej muri“ wudoby sej wone wosebite myto nižozemskeho zahrodniskeho předewzaća, kotrež přewostaji kwětki w hódnoće 2 500 eurow.

Nadrobnosće wo zahrodźe při mnišej muri posrědkuja jeje iniciatorojo. Su to cityjowa managerka Anne Hasselbach, měšćanska dźěłarnička wobydlerska łuka, iniciatiwa wotewrjene zahrodowe durčka a planowarka zahrodow Almut Dietze. Zapadnje mnišeje murje pod tak mjenowanej horncowej halu (dźensa Irish Pub) je njewužiwana měšćanska ležownosć, kotraž je sebi samej přewostajena, ma pak po měnjenju iniciatorow potencial. Tam móhła wosrjedź města mała oaza nastać, z kotrejž hodźał so žiwjenski wobswět polěpšić a něšto přećiwo klimowej změnje činić.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND