Jenož informaciju wo rozsudźe nastupajo 5. lětnik we Worklecach dóstali

Worklecy (SN/JaW). Na Serbskej wyšej šuli „Michał Hórnik“ Worklecy zarjaduja přichodne šulske lěto jenož jednu rjadownju w nowym 5. lětniku. To potwjerdźi wčera nowinska rěčnica Krajneho zarjada za šule a kubłanje (LaSuB) Petra Nikolov na naprašowanje SN. „Rozsud smy w dorěčenju ze Sakskim kultusowym ministerstwom kónc meje tworili. Do rozsuda je kultusowe ministerstwo Domowinu a Serbske šulske towarstwo zapřijało“, tak nowinska rěčnica.