Rjana hra, bohužel pak žane dypki
Póst Drježdźany II –
Viktoria Worklecy 3:0
(25:20, 25:20, 25:21)
Zasłužene dobyće za koparjow Marijineje hwězdy při ćežkich ...
ST Marijina hwězda –
HZ Wóslink/Skaskow/Kulow II 1:0 (0:0)
Zestawa domjacych: Matik – Wróbl, K. Pakoßnick, Zynda, Hoge, Langer (46. Mjechela), Cyž, Schmidt (79. Pi. Lugge), Pa. Lugge (70. Ladewig), J. Pakoßnick, Eldor
Zestawa hosći: Franz – Jorš (77. Elstner), Fiebig, Lange, Nowak, Korch (54. Kummer), Modšink, Woko (61. Sćapan), Pawlik (81. Bulmann), Wels, Müller
Na poprawom posledni hrajny dźeń prěnjeje połserije we wokrjesnej lize powitachu koparjo Marijineje hwězdy hrajne zjednoćenstwo z Wóslinka/Skaskowa a Kulowa. Pančičenjo pak hišće zymsku přestawku nimaja, dokelž dyrbjachu nachwatansku hru wot 11. septembra po próstwje Łutowčanow na 3. december přepołožić.
Portugalska a Brazilska we wosmifinalu
Wšitke mustwa su mjeztym swoju druhu hru swětowych mišterstwow dohrali. Portugalska wubranka wokoło superstara Cristiana Ronalda je po suwerenym dobyću 2:0 nětko hižo wěsće koło dale. Přećiwo Uruguayjej běše Bruno Fernandes z dwojimi wrotami hrajer hry. W druhej partiji skupiny H přewiny Ghana Južnu Koreju z 3:2. Ghanačenjo wotedachu nawjedowanje z 2:0, móžachu pak na kóncu přiwšěm wyskać. 23 mjeńšin pluskotaše partija bjez wyšinow, potom nawjedowaše Ghana přez Mohammeda Salisu. Hišće do přestawki docpěchu woni dalše wrota. Znowa přińdźe přihrawka wot Ayewa, tónraz pak bě to Mohammed Kudus, kiž bul z hłowu we wrotach Južnokorejčanow zaměstni (34.). Cho Gue-Sung pak po přestawce skrótši (58.). A bu hišće lěpje za Koreju. Znowa bě to Cho Gue-Sung, kiž da fanow swojeho kraja wyskać. Flanku z lěweje strony zhłójčkowa nadběhowar do saka (61.). Partija bě zaso wurunana. Tola Mohammed Kudus Ghanu krótko po tym hišće k triumfej 3:2 třěli. W zakónčacej skupinskej hrě přećiwo Uruguayjej móže Ghana nětko ze swójskeje mocy wosmifinale docpěć.
Hakle dźeń do prěnjeho adwenta je druhe wolejbulowe mustwo muži ST ...
Sokoljo ze zrałym wukonom
Sokoł Ralbicy/Hórki – ST Hnašecy/Dobruša 3:1 (3:0)
Zestawa domjacych: Ch. Gloxyn – Matka, Schultz, Wałda, Ričel, Kř. Bejmak (20. Nuk), Šołta, D. Gloxyn (89. Lulak), Šewc, Domaška (89. Jakubaš), Korjeńk (75. Kurjat)
Wuslědki (29.11.22)
Kopańca, krajna liga
1. SSV Markranstädt 15 41 : 11 33
2. FSV Motor Marienberg 14 33 : 16 33
3. SG Taucha 99 15 30 : 13 32
4. Großenhainski FV 90 14 29 : 10 30
5. Rjemjesło Rabenstein 15 26 : 19 29
6. VfB Empor Glauchau 14 26 : 14 26
7. Radebeulski BC 08 15 28 : 26 26
8. Drježdź. 06 Laubegast 15 40 : 29 24
9. Radefelder SV 90 15 29 : 29 20
10. VfB Fortuna Kamjenica 15 29 : 30 20
11. VfL Pirna-Copitz 07 14 17 : 26 15
12. FC Módro-běli Lipsk 14 17 : 28 15
13. Jednota Kamjenc 14 18 : 30 15
14. FC 1910 Lößnitz 14 22 : 26 14
15. BSC Rapid Kamjenica 15 16 : 36 13
16. FSV Wódrjeńca 02 15 30 : 49 11
17. FC International Lipsk 14 16 : 30 9
18. SZ Drježdźany Strěžin 15 23 : 48 6
krajna klasa
1. SC Borea Drježdźany 13 42 : 15 32
2. FV Přezjednota Niska 12 40 : 9 28
3. Rotacija Drježdźany 12 23 : 13 25
4. SJ Chrósćicy 13 19 : 11 20
5. SG Weixdorf 13 27 : 29 18
6. VfB Běła Woda 1909 13 27 : 32 17
7. Nowosolc-Hrodk 12 26 : 18 16
8. Rakečanske ST 12 25 : 27 16
9. Drježdźanski SC 1898 13 17 : 19 16
Napjata hra na taktisce wysokim niwowje
Na swětowych koparskich mišterstwach: Španiska – Němska 1:1 (0:0)
Němska je sebi po stopnjowanju a sylnej hrě přećiwo Španiskej dale móžnosć zaćaha do wosmifinala swětowych koparskich mišterstwow wobchowała. Po poražce 1:2 přećiwo Japanskej w prěnjej skupinskej hrě je tójšto němskich přiwisnikow a ekspertow mustwo trenarja Hansija Flicka hižo wotpisało. Falowaca mentalita, njedostatki w škitnym pasmje, pobrachowaca koncentracija a indiwiduelne zmylki, wšitko to wumjetowachu němskim hrajerjam po zazběhu do turněra. Bohužel je nalada němskeho fana, přiwisnika, jara wot wuslědka wotwisna. We wokomiku dobyća abo triumfa so wšitcy raduja. Hdyž pak raz njeběži, so cyły kraj hórši a statusy w socialnych medijach so ze skřiwdźenjemi kopja. Škoda, haj samo zrudne je zdźěla tute wuwiće. Narodne mustwo pak wčera dopokaza, zo móže z faworitami kaž Španiskej hrajersce sobu dźeržeć. Přez dobyće 1:0 Costa-Ricačanow přećiwo Japanskej je w skupinje E dale wšitko wotewrjene.
Přećiwo Španiskej remis docpěli
Prěnje wrota w stawiznach Kanady
Runje Alphonso Davies, kotryž bě w zašłej partiji hišće jědnatku přetřělił, docpě w druhej skupinskej hrě přećiwo Chorwatskej prěnje wrota za Kanadu w stawiznach swětowych koparskich mišterstwow. Za dobyće pak tute na kóncu njedosahachu. Marko Livaja, Lovro Majer a dwójce Andrej Kramarić hru hišće zwjertnychu. Poslednja skupinska hra přećiwo Belgiskej budźe za Chorwatow hižo mały finale wo zaćah do wosmifinala.
Poražki přećiwo Marokkej dla je Belgiska tučasnje z třomi dypkami jenož třeća za Chorwatskej a Marokkom, a tak winowata dobyć. Rozsudźiła bě so hra hakle w kónčnej štwórć hodźinje. Na lěwym boku dósta Marokko wólny kop, nimale při zakładnej liniji. W belgiskich wrotach steješe Thibaut Courtois centralnje a něšto kročelow před wrotowej liniju. Tuž zapali Abdelhamid Sabiri bul wótrje na krótki róžk a překwapi z tym Courtoisa (73.). W přidatnym hrajnym času docpě Zakaria Abouklal po přihrawce Hakima Ziyecha samo hišće 2:0 za Marokko (90. + 2).
Faworita na trofeju přewinył
FC Energija Choćebuz – ST Babelsberg 2:1 (0:1)
Zestawa Energije: Bethke – Hasse, Slamar, Hildebrandt, Borgmann, Kujović (66. Eisenhuth), Hofmann, Oesterhelweg (83. Juckel), Badu (66. Abu-Alfa), Hottmann, Wähling
slěd wrotow: 0:1 Axel Borgmann (5., samowrota), 1:1 a 2:1 Maximilian Oesterhelweg (53., 83.)
Stajnje dźesać króć smědźeštej so tuchwilu najlěpšej braniborskej koparskej mustwje hižo na přepodaće krajneho pokala prosyć dać. Za FC Energiju njesteji po wuspěchu 2:1 přećiwo hosćom z Babelsberga dalšemu pokalowemu dobyću najprjedy ničo na puću, dokelž drje je najwjetši konkurent po bojowniskej hrě najprjedy raz won z pokalneho koła.
