Do raja bajkow ze Sněholinku

wutora, 08. decembera 2015
artikl hódnoćić
(0 )
Martina Riehlowa, Stefanie Grofic, Liza Delanec a Sarah Wićazec (wotlěwa), šulerki Budyskeje Serbskeje fachoweje šule za socialnu pedagogiku, su dźensa w Smolerjec kniharni na swoju dźiwadłowu hru „Sněholinka“ skedźbnili. Foto: SN/Maćij Bulank Martina Riehlowa, Stefanie Grofic, Liza Delanec a Sarah Wićazec (wotlěwa), šulerki Budyskeje Serbskeje fachoweje šule za socialnu pedagogiku, su dźensa w Smolerjec kniharni na swoju dźiwadłowu hru „Sněholinka“ skedźbnili. Foto: SN/Maćij Bulank

Přichodne kubłarki a kubłarjo Smolerjec kniharnju wopytali

Budyšin (SN/MiR). Šulerki 2. wukubłanskeho lěta na kubłarku z Budyskeje Serbskeje fachoweje šule za socialnu pedagogiku su dźensa dopołdnja Smolerjec kniharnju wopytali. Při tym zawjedźechu wone přitomnych do raja bajkow. W kostimach wabjachu přichodne kubłarki za swoju lětušu dźiwadłowu hru „Sněholinka“. „Smy do kniharnje přišli, zo bychmy swojim němskorěčnym sobušulerjam pokazali, kak bohata serbska dźěćaca a spěwna literatura je“, rjekny Wotrowčanka Martina Riehlowa, kotraž so wo zjawnostne dźěło za projekt stara. „Z akciju chcemy tež na to pokazać, kak wjelestronske naše wukubłanje je“, rozłoži Radworčanka Liza Delanec. Wona je za projekt sponsorow nawabiła. Jimaj kaž tež Budyšance Sarjeh Wićazec a Serbskopazličance Stefanie Grofic je wažne, zo w inscenaciji serbšćinu wužiwaja. „Hraju palčika, kiž jenož serbsce rěči“, praji Stefanie, „palčik pak swojich towaršow derje rozumi, wšako hižo dołho hromadźe bydla. Zwobraznimy takrjec model­ Witaj na bajkojte wašnje.
wozjewjene w: Kubłanje
Prošu přizjewće so, chceće-li komentar podać

nawěšk

nowostki LND