×

Powěsć

Failed loading XML...

Wažnej podawkaj na šulomaj

štwórtk, 21. januara 2016
artikl hódnoćić
(0 )
Jako braška je Maximilian Wowčer njedawno šulerjow Kulowskeje zakładneje a wyšeje šule kaž tež dalšich hosći na ptačokwasny program přeprosył.  Foto: Lubina Dučmanowa Jako braška je Maximilian Wowčer njedawno šulerjow Kulowskeje zakładneje a wyšeje šule kaž tež dalšich hosći na ptačokwasny program přeprosył. Foto: Lubina Dučmanowa

Kulow (JoN/SN). Dźeń wotewrjenych duri přewjedźe Kulowska wyša šula „Korla Awgust Kocor“ zajutřišim, 23. januara. Hinak hač druhdźe zarjaduja tónle dźeń w Kulowje sobotu, tak zo maja swójby składnosć, wo wuměnjenjach dźěći na kubłanišću so informować.

W 9.30 hodź. witaja šulerjo hosći z programom w małej sportowej hali, dokelž je wulka hala za kapičkowy wječor přihotowana. Program ma spektrum šulskich a zwonkašulskich poskitkow kaž tež móžnosćow zhromadneho wuknjenja posrědkować. Z wosebitym elanom so póstniska garda 10. lětnika na to přihotuje. Za nju je to jedyn z wjerškow lětušeje karnewaloweje sezony. Po programje móža dźěći zhromadnje ze staršimi jednotliwe stacije wopytać, hdźež wo wšelakich předmjetach kaž němčinje, serbšćinje, stawiznach, biologiji a dalšich zhonja. Zdobom móža so z wučerjemi a šulerjemi rozmołwjeć.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND