Wuznam a hódnotu rěče pozběhnyć

pjatk, 28. apryla 2017
artikl hódnoćić
(0 )

Wučba delnjoserbšćiny w Braniborskej trjeba wjetše hódnoćenje a připóznaće. Nimo toho měli wo zachowanje a po­srědkowanje delnjoserbskeje rěče angažowacy so wjace podpěry dóstać.

Choćebuz (SN/JaW). Tole mjenowaše kubłanskopolitiska rěčnica frakcije Lěwicy w Krajnym sejmje Braniborskeje Kathrin Dannenberg jako facit wopyta dźěłoweho kruha kubłanje frakcije wčera we wjacorych delnjoserbskich kubłanskich zarjadnišćach. Mjez druhim pobychu čłonki kruha na Žylowskej zakładnej šuli, wopytachu dźěłanišćo ABC a delnjoserbsku wotnožku Rěčneho centruma WITAJ.

Dźěłowe rozmołwy hódnoćachu čłonki dźěłoweho kruha jako płódne a spomóžne. Napadnyło pak jim je, zo zamołwići na kubłanišćach přemało za wučbu delnjoserbšćiny wabja. Ale runje to je jara­ wažne. „Njewě-li nichtó, zo wosebity film w kinje běži, sej jón nichtó njewobhlada“, rjekny k tomu Birgit Kaufhold, kandidatka za nowy zwjazkowy sejm. Kathrin Dannenberg nimo toho zwěsći, zo je nuznje trjeba wučbu delnjoserb­šćiny tež na wyšich šulach zakótwić.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND