Hudźbna šula tež serbsce? poručenje

pjatk, 17. nowembera 2017
artikl hódnoćić
(0 )

Wojerowska towaršnosć Coowowa kultura planuje nowu prezencu

Wojerecy (SN/mwe). Internetna strona Wojerowskeje hudźbneje šule prezentuje so wotnětka z cyle nowym, modernym wobličom. Bohužel pak njewobsahuje ani jeničke serbske słowčko, byrnjež mjez šulerjemi tež holcy a hólcy ze serbskich a dwurěčnych wokolnych wsow byli. „Nam bě wosebje wažne, hudźbnej šuli hišće lěpšu wosobinsku notu dać“, so nawoda hudźbneje šule David Brand w nowinskim wozjewjenju nošerja kubła­nišća, towaršnosće Coowowa kultura wjeseli.

Na webstronje su nětko tež wšitcy hudźbni wučerjo z fotom widźeć. Na naprašowanje Serbskich Nowin, čehodla njejsu znajmjeńša při „starće“ strony na to myslili, jeje wopytowarjow serbsce witać, nam jednaćel towaršnosće Ar­thur Kusber zdźěli: „Jeno serbske powitanje bjez wujasnjowanskeho pozadka a bjez toho, zo poskitki tež w serbšćinje dale wjedźemy, wobhladujemy jako njedo­sahace.“

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND