Wobdźělnicy rěčneho kursa wo nastaću nowin zhonili

štwórtk, 05. apryla 2018
artikl hódnoćić
(0 )
Pola redaktora Serbskich Nowin Marka Wjeńki zhonichu wčerawši młodźi wopytowarjo, kak naša redakcija z politiskimi powěsćemi dźěła.  Foto: SN/Maćij Bulank Pola redaktora Serbskich Nowin Marka Wjeńki zhonichu wčerawši młodźi wopytowarjo, kak naša redakcija z politiskimi powěsćemi dźěła. Foto: SN/Maćij Bulank

Budyšin (SN/MiR). Šćebot a ćišina – to stej zjawaj, kotrejž tuchwilu na mjeztym druhim serbskim kursu Rěčneho centruma WITAJ w Budyšinje knježitej. Šćebot je słyšeć, hdyž ma 20 wobdźělnikow­kursistow składnosć, wo swojich nazhonjenjach powědać, abo swoje měnjenje zwuraznić. Ćišina knježi, su-li we fazy wuknjenja abo hdyž připosłuchaja. Tomu bě tež wčera popołdnju tak w redakciji Serbskich Nowin. Šefredaktor Janek Wowčer zamó šulerjow zapřijeć do rozmołwy wo wječorniku. We wólnej bje­sadźe woni trochowachu, kelko papjery je w běhu lěta za ćišć SN trěbneje. Wopytowarjo hódachu, hdźe najdalši čitar SN w papjerjanej formje bydli – něšto kilometrow před norwegskej sto­licu­ Oslo. Na to zwěsćichu, kelko přista­jenych Ludoweho nakładnistwa Domowina wšědnje za serbski dźenik dźěła – 14 jich je, a kelko hodźin trjebaja nowinu zdźěłać – mjenujcy něhdźe dźesać.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND