Budyšin (SN). Aktualny wupłód z wulkoprojekta Załožby za serbski lud „Serbska rěč w nowych elektroniskich medijach“ je nowa hornjoserbska prawopisna kontrola. Za projekt wužiwa załožba přidatne srědki ze Sakskeje, Braniborskeje a Zwjazka. Zajimcy móža sej wotpowědny internetny poskitk z internetneje strony www.soblex.de na swójski ličak, tablet abo smartfone składować. Wužiwar nowšich wersijow programoweho paketa Microsoft Office ma podatu instrukciju sćěhować.