Chcedźa šule do wužadaceho projekta zapřijeć
Wulke Ždźary (AK/SN). Kedźbliwe wobchadźenje z wohenjom bě njedawno tema pjećdnjowskeho projekta „Fascinacija woheń“ za předšulske dźěći ze Šćeńcy a Wulkich Ždźarow. Wot lěta 2010 je Armin Berger z Wojerowskeje powołanskeje wobory zamołwity za kubłanje na polu wohnjoškita. Třinaće dźěći je z Wulkich Ždźarow a sydom ze Šćeńcy, ze zarjadnišćow, kotrejž stej w nošerstwje Miłočanskeho Křesćansko-socialneho kubłanskeho skutka, je so na projekće wobdźěliło. Pod dohladom nawuknychu wone z wohenjom wobchadźeć.
