Serbski wučer je mjez prěnimi nowymi zastojnikami

pjatk, 25. januara 2019
artikl hódnoćić
(0 )
Wučer Maćij Čižank (3. wotlěwa) je wčera wopismo zastojnika přijał. Nawoda Budys keje wotnožki LaSuB Mathias Peter jemu gratuluje. Foto: SN/Hanka Šěnec Wučer Maćij Čižank (3. wotlěwa) je wčera wopismo zastojnika přijał. Nawoda Budys keje wotnožki LaSuB Mathias Peter jemu gratuluje. Foto: SN/Hanka Šěnec

W Budyskej regionalnej wotnožce Sakske­ho krajneho zarjada za šulu a kubła­nje (LaSuB) přija wčera popoł­dnju 41 wučerkow a wučerjow wopismo zastojnika. Woni běchu jedna z prěnich­ skupin po wšej Sakskej.

Budyšin (SN/MiR). Mjez tymi, kotřiž su wčera do zarjada přišli, bě tež wučer serbskeho pochada. W štwórtej ze štyrjoch skupin móžeše Maćij Čižank, wučer Budyskeho Serbskeho gymnazija za něm­činu a stawizny, z rukow statneho sekretara Herberta Wolffa wopismo zastojnika přijeć. Do toho pak měješe runja swojim kolegam z pozběhnjenej ruku spřisahać, zo chcedźa zastojnistwo po najlěpšej wědźe a wědomju wukonjeć, wustawu wobkedźbować, prawo zakitować a prawdu napřećo wšitkim nałožować. Mnozy dodachu swojej přisaze „z Božej pomocu“. Maćij Čižank po swjatočnym akće rjekny: „Runje za sakski šulski system je to kročel doprědka, toho abo tamneho wučerja docpěć abo wróćo zdobyć. Wosobinsce so za mnje ničo njezměni, nastupajo swoje dźěło w šuli docyła ničo.“

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND