Dobyće bjez ćišća a poražka

wutora, 16. apryla 2019
artikl hódnoćić
(0 )
Scena z hry ST Radworja přećiwo LSV Horam pokazuje, z kajkej zasadźitosću Radworčenjo doma wo dobyće wojowachu, mjez nimi  Daniel Nuk (při bulu). Skónčnje wšak tež zasłužbnje 4:1 dobychu.  Foto: Werner Müller Scena z hry ST Radworja přećiwo LSV Horam pokazuje, z kajkej zasadźitosću Radworčenjo doma wo dobyće wojowachu, mjez nimi Daniel Nuk (při bulu). Skónčnje wšak tež zasłužbnje 4:1 dobychu. Foto: Werner Müller

ST 1922 Radwor – LSV Hory 4:1 (3:1)

Zestawa domjacych: Jendrewski – Bauer, Mark, Zähr, Pječak, Paška (71. Glücklich), Henke (87. Krahl), Nuk, Hančik, Šołta, Reinecke (87. Hetasch)

Přećiwo koparjam z Horow sej Radwor­čenjo poprawom wjele njewuli­čichu. Wicekapitan Fabian Šěrak wupadny zranjenja dla, Matej Wjeńka toho­runja pobrachowaše. Tuž narunaštaj jeju Lucas Pječak a Marvin Paška, hrajerjej mło­dźi­ny A.

Wot spočatka sem pak domjacy swobodnje hraja­chu. Po dołhim času mějachu k tomu zaso raz tróšku zboža. Hižo po poł ho­dźinje steješe 3:0 za nich, a woni sami tak prawje njewědźachu, što bě so stało. Wosebje Stephanej Reineckej, kotremuž so hattrick poradźi, so w prěnich mjeń­šinach wšitko zešlachći. Tež Tom Schulze, kiž bě dwoje wrota přihotował, mě­ješe přewšo dobry dźeń. Z wólnym kopom w 36. min. drje poradźi so hosćom na 3:1 skrótšić, hač do kónca koparjo z Horow hižo žadyn dalši wuspěch njemějachu.

wozjewjene w: Sport
Prošu přizjewće so, chceće-li komentar podać

Serbska debata

nowostki LND