Serbskorěčny poskitk hrow ministerstwa

póndźela, 29. apryla 2019
artikl hódnoćić
(0 )
Brošurka ministerstwa a RCW přeproša dźěći a dorosćenych do zhromadneje hry.  Fotomontaža: SN/Hanka Šěnec Brošurka ministerstwa a RCW přeproša dźěći a dorosćenych do zhromadneje hry. Fotomontaža: SN/Hanka Šěnec

Budyšin (SN/MiR). Nětko je zaso počas, so předewšěm wonka hibać a zabawjeć. Za dźěći a młodostnych, kotřiž pytaja přeco zaso za nowymi idejemi za zaběru, předleži nětko zběrka hrow pod hesłom „Pój won – hraj sej ze mnu!“ w serbskej rěči. Sakske statne ministerstwo za socialne a škit přetrjebarjow je ju wudało a Rěčny centrum WITAJ (RCW) je dał material zeserbšćić. Krótke a jadriwe teksty přełožiła je Borbora Markowa. „Brošurka měri so na dźěći w pěstowarskej a zakładnošulskej starobje a na młodostnych“, rozłožuje wědomostna sobudźěłaćerka RCW Jadwiga Kaulfürstowa, „wužiwać pak hodźi so wona tež za swójby abo na zarjadowanjach, hdźež su mnohe dźěći zhromadźene. Hry hodźa so wosebje za zaběru pod hołym njebjom, někotre pak tež za zaběru nutřka.“

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND