Nowy wučbny srědk wudali

pjatk, 26. apryla 2019
artikl hódnoćić
(0 )
Přidatny wuknjenski material za předmjet geometriju.  Fotomontaža: SN/Maćij Bulank Přidatny wuknjenski material za předmjet geometriju. Fotomontaža: SN/Maćij Bulank
Budyšin (SN/MiR). Rěčny centrum WITAJ je nadźěłał zešiwkaj „Geometrija 3 a 4“, kotrejž je Ludowe nakładnistwo Domowina nětko wudało. Je to licencne wudaće nakładnistwa Klett w rjedźe „Indianske zešiwki“. Po lońšim wudaću, z kotrymž móža šulerjo wěcne nadawki ličić, wudospołnja wotnětka poskitk wučbnych srědkow z přidatnym materialom k temje geometrija. „Přičina, zo so hakle w 3. a 4. lětniku tale tematika wobjednawa je, zo wutworja wučerjo hakle w 2. lětniku motoriske zakłady za to, zo móža wuknjacy potom z wotpowědnymi wuknjenskimi srědkami, kotrež su za geometriju trěbne, wobchadźeć“, wuswětla wotrjadnica za wuwiwanje rěče/pedagogika pola RCW Annett Dźědźikowa. Ze zešiwkomaj za wučbu matematiki maja šule nětko přidatny zwučowanski material, z kotrymž móžeja šulerjo na zabawne wašnje nawuknjene nałožować a skrućić. Zešiwkaj pak móžeja sej tež dalši zajimcy kupić, a to w Budyskej Smolerjec kniharni. Přichodny nowy rjad wučbnicow a dźě­łowych zešiwkow za matematiku rěka „Łuskač“. To je licencne wudaće nakładnistwa Klett.
wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND