Susodnu rěč a kulturu sej zbližić

póndźela, 17. junija 2019
artikl hódnoćić
(0 )
Mjez cyłkownje wjace hač sto wobdźělnikami nětko zakónčeneho dwulětneho projekta „Wulcy za małych – Duzi dla małych“ běštej tež Josephine Schär und Cindy Franzke (wotlěwa) ze Zhorjelskeho powołanskošulskeho centruma Christopha Lüdersa. Wonej wukmanjatej so tuchwilu w druhim wukubłanskim lěće jako kubłarce. Zaměr zarjadowanja bě, započinajo w žłobiku zakótwić  pólsko-němsku dwurěčnosć w pomjeznym regionje. Foto: Andreas Kirschke Mjez cyłkownje wjace hač sto wobdźělnikami nětko zakónčeneho dwulětneho projekta „Wulcy za małych – Duzi dla małych“ běštej tež Josephine Schär und Cindy Franzke (wotlěwa) ze Zhorjelskeho powołanskošulskeho centruma Christopha Lüdersa. Wonej wukmanjatej so tuchwilu w druhim wukubłanskim lěće jako kubłarce. Zaměr zarjadowanja bě, započinajo w žłobiku zakótwić pólsko-němsku dwurěčnosć w pomjeznym regionje. Foto: Andreas Kirschke

Wjace hač sto pólskich a němskich pedagogow z přidatnej kwalifikaciju

Zhorjelc (AK/SN). Dwurěčnosć wot žłobika hač k maturje zmóžnić je a wostanje wulki zaměr w němsko-pólskim pomjeznym regionje. „Wuměnjenja za to měli so ze samozrozumliwosću stać. To započina so w dźěćacych dnjowych přebywanišćach. Chcemy ze zhromadnym dźěłom pokročować a nazhonjenja minjeneju lět pohłubšić“, podšmórny nawodnica Sakskeho krajneho centruma za susodorěčne kubłanje dr. Regina Gellrich minjeny štwórtk na zakónčenju projekta „Wulcy za małych – Duzi dla małych“ w Zhorjelcu. Wot lěta 2017 je so dohromady 57 němskich a 56 pólskich předšulskich pedagogow w tym wobłuku dale kubłało. Wobdźělenych bě cyłkownje 63 kubłanišćow w pomjeznym regionje. Wjace hač 3 000 dźěći z wobeju krajow su wučerjo w tym času za rěč susoda sensibilizowali. Nastali su nimo toho němsko-pólska molowanska kniha „Z Biedronką i Maus przez cały rok – Z božim słónčkom a myšku přez cyłe lěto“ kaž tež přiručce „Święta­ i tradycje w Polsce i w Niemczech – Swjedźenje a tradicije w Pólskej a Němskej“ a „Cztery pory roku – Štyri počasy“.

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND