Politiske kubłanje sylnić poručenje

pjatk, 16. awgusta 2019
artikl hódnoćić
(0 )
Hannah Glowienka z Budyšina je jedna z cyłkownje 480 000 lětušich šulskich nowačkow w Sakskej. Foto: SN/Hanka Šěnec Hannah Glowienka z Budyšina je jedna z cyłkownje 480 000 lětušich šulskich nowačkow w Sakskej. Foto: SN/Hanka Šěnec

Mnohe wučerske městna w Sakskej wobsadźene – Budyšin dale „problematiski“

Drježdźany (SN/bn). Ze zazběhom noweho šulskeho lěta maja předźěłane, tak mjenowane hodźinske tafle, kotrež mnóstwo a rozdźělenje jednotliwych předmjetow rjaduja, płaćiwosće nabyć. Wotnětka je wučba towaršnowědy/prawniskeho kubłanja w 7. a 8. lětniku wyšich šulow obligatoriska. Tež na gymnazijach maja so šulerki a šulerjo wot 7. lětnika ze zakładami towaršnostneho a politiskeho žiwjenja zeznajomić. Zo njeby so cyłkowne mnóstwo wučbnych hodźin rozšěriło, je sakske kultusowe ministerstwo tamne předmjety wotpowědnje přikrótšiło. Po starobnych schodźenkach rozdźělene woznamjenja to wob tydźeń hodźinu mjenje matematiki, informatiki, 2. cuzeje rěče, biologije, sporta resp. hudźby.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND