Naročnej skupinje serbskimaj wubrankomaj

póndźela, 18. nowembera 2019
artikl hódnoćić
(0 )
Bjarnat Cyž je Serbsku koparsku wubranku muži do skupiny A wulosował w kotrejž su tež hosćićeljo Korutanscy Słowjency zastupjeni.  Foto: FUEN/Mihály László Bjarnat Cyž je Serbsku koparsku wubranku muži do skupiny A wulosował w kotrejž su tež hosćićeljo Korutanscy Słowjency zastupjeni. Foto: FUEN/Mihály László

Škocjan v Podjuni (jwo/SN). Sobotu smědźeše bywši wiceprezident Federalistiskeje unije europskich narodnych mjeńšin Bjarnat Cyž losowansku soninu za Serbsku koparsku wubranku muži być. W awstriskim Škocjanu v Podjuni (Sankt Kanzian) wulosowa wón zhromadne mustwo muži z Hornjeje a Delnjeje Łužicy do skupiny A z domjacym cyłkom Koroška. Tak wubědźujetej so mustwje po europeadźe 2012 we Łužicy a 2016 w Južnym Tirolu znowa w skupinskej fazy – Korošce pak běchu Serbja dotal, drje snadnje, ale stajnje přěhrali. Dale dyrbja łužiscy koparjo přećiwo Němcam z Danskeje a Cymbram ze sewjerneje Italskeje nastupić.

wozjewjene w: Sport
Prošu přizjewće so, chceće-li komentar podać

Serbska debata

nowostki LND