Tiket ma přińć

pjatk, 31. januara 2020
artikl hódnoćić
(0 )

Drježdźany (SN). W nowym šulskim lěće 2020/2021 chcedźa w Sakskej kubłanski tike­t zawjesć. Tak znajmjeńša je stare sakske knježerstwo do wólbow přizje­wiło. Koalicija pak so rozsudow dla dliji, byrnjež sej frakcija Lěwicy w krajnym sejmje srjedu žadała spěšnje postupować. Frakcije CDU, Zelenych a SPD pak pře­ćiwo próstwje hłosowachu.

Rěčnik Lěwicy za mobilitu Marco Böhme rozjasni: „Njejsmy jeničcy, kotřiž sej po cyłej Sakskej jednotny, přez cyłe lěto płaćiwy a w kóštach přihódny tiket za šulerjow žadaja. W lěće 2014 běštej CDU a SPD w koaliciskim zrěčenju přilubiłoj, za to namjet hač do kónca lěta 2015 před­po­łožić. To pak so stało njeje. Njepomha tež ničo, zo bu krótko do wólbow krajneho sejma šulerski tiket za wólny čas zawjedźeny, kotryž hakle wot 14 hodź. płaći.“

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND