Nowotwar dokónčeny

srjeda, 26. februara 2020
artikl hódnoćić
(0 )
Mnohe regionalne předewzaća běchu na twarskim projekće wobdźělene a su swoje wurjadne wukony dopokazali. Přetož nowe Kulowske katolske dźěćace přebywanišćo swj. Marije wotpowěduje dźensa płaćiwym standardam.  Foto: SN/Hanka Šěnec Mnohe regionalne předewzaća běchu na twarskim projekće wobdźělene a su swoje wurjadne wukony dopokazali. Přetož nowe Kulowske katolske dźěćace přebywanišćo swj. Marije wotpowěduje dźensa płaćiwym standardam. Foto: SN/Hanka Šěnec

Wuměnjenja za dźěći a kubłarjow w přebywanišću nětko wuběrne

Tójšto lět su sej dorosćeni a chowancy Kulowskeho Katolskeho dźěćaceho domu „Jakubetzstift“ – nošer je Kulowska wosada – nowe rumnosće přeli. Wot srjedź februara je narunanski twar po połdralětnej twarskej fazy hotowy. Nětko móža kubłarki a dźěći z dotalneho přebywanišća na Budyskej dróze na Augusta Bebelowu přećahnyć. Wot 2. měrca móža w nowym domicilu přebywać, a to w domje z mjenom swj. Marije. 19. apryla su wšitcy zajimcy na swjedźeń a dźeń wotewrjenych duri přeprošeni, hdźež móža so wo wuběrnych wuměnjenjach přeswědčić. Te sahaja wot tepjenja w špundowanju přez swětły atrium, kiž hodźi so tež za zarjadowanja wužiwać, hač k terasam za zhromadnu snědań. Hižo loni nazymu, na přechodźowanju po twarnišću, su wopytowarjo wosebitosć nowotwara začuwali. 45 žłobi­kowych dźěći změje štyri skupinske a wotpowědnu ličbu rumnosćow za wšědny spar. Sto městnow je za pěstowarske dźěći w šěsć rumnosćach předwidźanych. Dale maja w přizemju rumnosć za wotstajenje sezonalnje trěbnych wěcow kaž hrajkow.

wozjewjene w: Kubłanje

Galerija

dalši wobraz (1) Zamołwitosć za narunanski twar Kulowskeje katolskeje pěstowarnje měješe město Kulow. Nošer je wosada. Po połdra lěće móža kubłarjo a dźěći nětko přećahnyć.
Prošu přizjewće so, chceće-li komentar podać

Serbska debata

nowostki LND