Ekstra internetne strony poručenje

wutora, 17. měrca 2020
artikl hódnoćić
(0 )
Tak, kaž tule na Chróšćanskej zakładnej šuli „Jurij Chěžka“ tuchwilu na wšitkich šulach po cyłej Sakskej wupada. W rjadownjach knježi wulka ćišina, šulerjo a zwjetša tež wučerjo su doma. Šulski nawoda Měrko Šmit wočakuje jutře staršich, zo bychu sej za swoje dźěći wotewzali domjace nadawki. Termin dorěčeli su sej zwjetša po digitalnym puću.  Foto: Feliks Haza Tak, kaž tule na Chróšćanskej zakładnej šuli „Jurij Chěžka“ tuchwilu na wšitkich šulach po cyłej Sakskej wupada. W rjadownjach knježi wulka ćišina, šulerjo a zwjetša tež wučerjo su doma. Šulski nawoda Měrko Šmit wočakuje jutře staršich, zo bychu sej za swoje dźěći wotewzali domjace nadawki. Termin dorěčeli su sej zwjetša po digitalnym puću. Foto: Feliks Haza

Šule su zawrjene, šulerjo a wučerjo pak maja swoje nadawki

Budyšin/Chrósćicy/Radwor (SN/MiR). Budyski Serbski šulski a zetkawanski centrum (SŠZC) je zawrjeny. Šulerjo a wučerjo su coronawirusa dla, kotryž běchu pola šulerja zwěsćili, doma. We wšitkich třoch kubłanišćach pak běchu wčera nawod­nistwa přitomne. Nawodnica zakładneje šule Annette Natušowa: „Krizowy stab postaja, kotre nadawki mamy wukonjeć.“ Nawodnica wyšeje šule Borbora Krječmarjowa pak na naprašowanje SN zdźěli, zo njesmě medijam žane informacije dać. Kaž nawoda Serbskeho gymnazija René Wjacławk rjekny, „je z hnydomnym skutkowanjom šulski wotběh zakónčeny. Nowe informacije šěri­my na našej internetnej stronje. Wuknjacy měli so po tym puću wobhonić, kotre nadawki maja spjelnić.“ Wot dźensnišeho ma šulske twarjenje dospołnje, to rěka tež za wšitkich sobudźěła­ćerjow zawrjene być. Tuž su tam wčera po minutowskim takće na nowe informacije ze strowotniskeho zarjada čakali.

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND