Wužitna ideja za wulětnikarjow

pjatk, 18. septembera 2020
artikl hódnoćić
(0 )
Nawodnica Šule za delnjoserbsku rěč Choćebuz Uta Henšelowa (srjedźa) bě přeprosyła na wuprawu z čołmami po błótowskich groblach. Mjez druhim je tam Marion Kwicojc (nalěwo) z Lipska spěwała a hudźiła.  Foto: Uta Henšelowa Nawodnica Šule za delnjoserbsku rěč Choćebuz Uta Henšelowa (srjedźa) bě přeprosyła na wuprawu z čołmami po błótowskich groblach. Mjez druhim je tam Marion Kwicojc (nalěwo) z Lipska spěwała a hudźiła. Foto: Uta Henšelowa

Šula za delnjoserbsku rěč a kulturu Choćebuz je swój nazymski semester hižo w awgusće zahajiła. Zarjadnišćo je tójšto zarjadowanjow lětsa hinak planowało, štož bě koronapandemije dla trěbne.

Choćebuz (SN). Korony dla njebě Šuli ­za delnjoserbsku rěč a kulturu Choćebuz móžno organizować studijne jězby do wukraja abo do serbskeje wokoliny. Tak je sej nawodnistwo přemysliło něšto ­hinaše za maćernorěčnych a přećelow delnjoserbšćiny přihotować. Tak zetka so 10. septembra połsta z nich w Bórkowach, zo bychu čołmikowali, zhromadnje spěwali a so rozmołwjeli. Zajimcy ­běchu ze Šejnhejdy, z Depska, Barbuka, z Wulkeho Dobrynja, Turjeja, Choćebuza, Stopišćow, Hochozy, Prjawoza a Drjenowa. Hochoženjo běchu samo z wulkim kremserom přijěli. Zdobom su ze serbskej chorhoju kóždemu pokazali, zo su Serbja po puću.

Witanje běše jara wutrobne, wšako njeběchu so wosebje ći starši ludźo dlěje widźeli. Wotjěli su woni z čołmom wot přistawa Rehnus w Bórkowach. Po niłkej wodźe staj čołmarjej po krutej čarje jěłoj, štož zbudźi w pućowacych zajim. Wšako njebě nowa wódna dróha hišće wšěm znata.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND