Lochkoatletiska sezona na SGB so nachila

wutora, 20. oktobera 2020
artikl hódnoćić
(0 )
Najlěpši třo Budyskeho Serbskeho gymnazija běchu w lochkoatletiskim třiboju Elias Kummer z Budyšina z 309 dypkami (srjedźa), Sarah Bretšnajderec z Budyšina z 266 dypkami (nalěwo) a Xenia Koberec ze Sernjan z 264 dypkami.  Foto: Měrko Korjeńk Najlěpši třo Budyskeho Serbskeho gymnazija běchu w lochkoatletiskim třiboju Elias Kummer z Budyšina z 309 dypkami (srjedźa), Sarah Bretšnajderec z Budyšina z 266 dypkami (nalěwo) a Xenia Koberec ze Sernjan z 264 dypkami. Foto: Měrko Korjeńk

Budyšan Elias Kummer z 9. lětnika doby­ na sportnišću Serbskeho gym­nazija Budyšin (SGB) z 309 dypkami lochkoatletiski třibój. Druha najlěpša lochkoatletka bě Sarah Bretšnajderec z Budyšina z 266 dypkami před Xeniu Koberec ze Sernjan z 264 dypkami.

Tradicionalne nazymske wubědźowanje w lochkoatletice njebě tónraz korony dla na Budyskej Młynkec łuce móžne. Tak zwěsćichu mjez wjac hač 400 šule­rjemi na ležownosći Serbskeho šulskeho a zetkawanskeho centruma Budyšin najkmańšich sportowcow w běhanju, dalokoskoku, mjetanju bulika a kulostorku. A jenož abiturny schodźenk měješe z wjedrom zbožo.

Lochkoatletiski třibój 12. lětnika doby pola holcow Greta Čórlichec z Kulowa ze 162 dypkami. Slědowaše Fabienne Wjacławkec z Ralbic ze 130 dypkami a třeća najwuspěšniša bě Joelina Taschke z Komorowa ze 118 dypkami. Pola muskeje sparty přesadźi so Paul Säuberlich z Bórka pola Budyšina z 234 dypkami, kotryž wuwojowa sej šesty najlěpši wuslědk­ šule. Slědowaše dalši aktiwny kopar Steve Schröder z Wulkeje Dubrawy ze 185 dypkami před Antonom De­muthom z Budyšina ze 170 dypkami.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND