Na łužiskich kubłanišćach jenož mało zapowědźerjow koronanaprawow
Budyšin (SN/JaW). Na šulach Budyskeho a Zhorjelskeho wokrjesa nimale wšitke wučerki a wšitcy wučerjo tuchwilne škitne naprawy přećiwo koronawirusej akceptuja. To wobkrući našemu wječornikej na naprašowanje nowinski rěčnik Budyskeje wotnožki Sakskeho krajneho zarjada za šulu a kubłanje (LaSuB) Vincent Richter. „Pedagogow, kotřiž sebjetesty wotpokazuja, móžemy na jednej ruce wotličić“, Richter rjekny.