Wulki hudźbny wuspěch žnjał

štwórtk, 17. junija 2021
artikl hódnoćić
(0 )
Wojerowčan Fritz Vogel je sej na lětušim zwjazkowym wubědźowanju „Młodźina hudźi“ z 25 dypkami najwjac móžnych dypkow a dobyće zawěsćił. Tuchwilu je wón šuler Krajneho gymnazija za hudźbu w Drježdźanach a chce so powołanski hudźbnik stać. Stajnje, hdyž ma chwile, wón rady z ćahom ze sakskeje stolicy domoj do Wojerec přijědźe.  Foto: Silke Richter Wojerowčan Fritz Vogel je sej na lětušim zwjazkowym wubědźowanju „Młodźina hudźi“ z 25 dypkami najwjac móžnych dypkow a dobyće zawěsćił. Tuchwilu je wón šuler Krajneho gymnazija za hudźbu w Drježdźanach a chce so powołanski hudźbnik stać. Stajnje, hdyž ma chwile, wón rady z ćahom ze sakskeje stolicy domoj do Wojerec přijědźe. Foto: Silke Richter

Fritz Vogel z Wojerec je na lětušim 58. wurisanju „Młodźina hudźi“ na zwjazkowej runinje z 25 dypkami najwjac móžnych dypkow docpěł. 18lětnemu pozawnistej ­je to wulki wuspěch. Přiwšěm wobhladuje bywši chowanc Wojerowskeho Lessingoweho gymnazija kaž tež měšćanskeje hudźbneje šule dobyćerski titul „jenož“ jako­ dalši měznik. Młodemu dobyćerjej a bórzomnemu powołanskemu hudźbnikej je puć cil! Silke Richter je so z Wojerowčanom wo dobyću a wo wuhladach do při­choda rozmołwjała.

Sće jedyn z mało wobdźělnikow z regiona, kotřiž su skok na zwjazkowe hudźbne wubědźowanje docpěli. Kak je scyła k tomu dóšło?

F. Vogel: Kaž wšitcy tamni startowach tež ja najprjedy na regionalnym wubědźowanju. Tam su moje wukony za dobre měli a mje dale na krajne wurisanje delegowali. Tež tam wot wukonow wotwisuje, štó dale na cyłoněmske wurisanje přińdźe. Dóstach dobre hódnoćenja, a tuž je so mi poradźiło so za zwjazkowe wubědźowanje skwalifikować. Nad 25 dypkami, štož je najwjac móžnych dypkow a štož wotpowěduje prěnjemu městnu, sym so jara zwjeselił.

wozjewjene w: Kubłanje
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND