Budyšin (SN/MiR). Wot noweho šulskeho lěta w Sakskej započnje po cyłym zwjazkowym kraju 1 184 nowych wučerjow skutkować. Sakski kultusowy minister Christian Piwarz (CDU) k tomu wuswětla: „Naše naprawy, zdobywać wučerjow, so wuskutkuja. Podźěl wukubłanych pedagogow, kotřiž su uniwersitny studij zakónčili, přiběra a kwota přidružnikow spaduje.“ Aktualnje wučinja podźěl požadacych so přidružnikow něhdźe 15 procentow, před lětami bě wón hišće 30 procentow był.