Mała šula – wulki swjedźeń

pjatk, 17. septembera 2021
artikl hódnoćić
(0 )
Lóštny swjedźeń na Wóslinčanskej křesćanskej šuli minjenu sobotu bě zabawny zazběh do noweho šulskeho lěta.  Foto: Daniela Jawinski Lóštny swjedźeń na Wóslinčanskej křesćanskej šuli minjenu sobotu bě zabawny zazběh do noweho šulskeho lěta. Foto: Daniela Jawinski

Lědma bě prěni šulski tydźeń nimo, su na dworje Ewangelskeje zakładneje ­a srjedźneje šule we Wóslinku wulki stan za lětuši šulski swjedźeń natwarili.

Wóslink (DJ/SN). Na Wóslinčanskej šuli su minjenu sobotu šulski swjedźeń ­wotměli. Jednaćel towarstwa šulskeho nošerja Henry Nitzsche je přitomnych postrowił a farar Michael Nicolaus swjedźeń z krótkim nyšporom zahaji. Na to zaćahnychu cowboyjojo do swjedźen­skeho stana. Pod hesłom „Dźiwi, dźiwi wuchod …“ běchu šulerjo wotměnjawy program z akrobatiku, linedance a dre­suru psa nazwučowali. Band, w kotrejž nanojo a šulerjo hudźachu, je spektakl přewodźała. Při kofeju a tykancu bě składnosć bjesadować. Byrnjež so de­šćowało, knježeše přewšo dobra nalada.

Wjeršk šulskeho swjedźenja je kóžde lěto znowa běh sponsorow na sportnišću. Wot 1. do 10. lětnika su so wšitcy šulerjo wo najlěpše wukony prócowali. To bě wulkotne dožiwjenje za wobdźělenych, jich staršich a přiwuznych. Skakanski hrodźik bu čile wužiwany. Mjeńši wopytowarjo dachu so šminkować a stachu so z fablowymi postawami. Wo ćělne derjeměće starachu so pilni pomocnicy.

wozjewjene w: Kubłanje
Prošu přizjewće so, chceće-li komentar podać

nawěšk