Dalši projekt LND ze šulerjemi so wulkotnje poradźił

wutora, 12. julija 2022
artikl hódnoćić
(0 )
Wćipni přiwzachu šulerjo swoju knihu, kotruž wuhotowar Tomaš Šołta (naprawo) po zahajenju zarjadowanja rozdźěli.  Foto: Milena Šołćic Wćipni přiwzachu šulerjo swoju knihu, kotruž wuhotowar Tomaš Šołta (naprawo) po zahajenju zarjadowanja rozdźěli. Foto: Milena Šołćic

Worklecy (JK/SN). Bóle spokojom a zdobom hordźi šulerjo na sebje być njemóža, hač to wčera wječor we Worklečanskej sportowej hali šulerjo tamnišeje wyšeje šule „Michał Hórnik“ běchu. Prezentowachu mjenujcy w bohatej ličbje přichwatanym staršim, přećelam a wučerjam swoju samospisanu knihu „Sće hižo wědźeli ...“, wušłu w Ludowym nakładnistwje Domowina.

Wot lětušeho januara su wosebje šulerjo 6. lětnika, přewodźane wot wučerjow serbšćiny Worklečanskeje wyšeje šule, napisali wulkotne teksty. K tomu su hižo znate powěsće abo legendy jako zakład wzali a ze swójskimi słowami zasopowědali, štož je so jim na zajimawe wašnje ­jara derje poradźiło. Čitajo wujimki přeswědčichu připosłucharjow wo tym, zo mějachu wulke wjeselo při pisanju. Prócu a pilnosć, ale tež zaměrnosć šulerjow hódnoćeštaj jednaćel nakładnistwa ­Syman Pětr Cyž runje tak kaž lektorka Weronika Žurowa. Wobaj wuzběhnyštaj zdobom angažement šulerjow, kotřiž běchu na nastaću knihi wobdźěleni. Šulerjo dźě njeběchu jenož teksty napisali, ale tež ilustracije zhotowili, kajkež tež z wosebitej přehladku pokazachu.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND