„Štóž njespyta, tón njezhoni“

wutora, 15. nowembera 2022
artikl hódnoćić
(0 )
Verena Čornakec a Lara Hohlfeld demonstrujetej wěsty wobchad z koleskatym stołom. Foto: Werner Lindner Verena Čornakec a Lara Hohlfeld demonstrujetej wěsty wobchad z koleskatym stołom. Foto: Werner Lindner

Budyšin (WL/SN). Drje mjeńši dźěl ludźi je sej hižo raz sam kapsnu lampu paslił, z chorobnym stołom twarjenje přeprěčił abo samo hozdźik skowarił. Sobotu bě w Powołanskošulskim centrumje (BSZ) při Budyskich Schillerowych zelenišćach składnosć k tomu.

Spěchowanske towarstwo technologije a BSZ běštej k tomu šulerki a šulerjow wot 5. lětnika přeprosyłoj, so we wobłuku 2. akciskeho dnja „Rjemjesło & technika“ jónu sami wuspytać. Nimo toho měještej powołanska fachowa šula kaž tež serbska fachowa šula za socialne durje zajimowanym wopytowarjam šěroko wotewrjene. Dale předstaji so šulerski labor „DeltaX“ Helmholtzoweho centruma Drježdźany-Rossendorf a sobudźěłaćerjo Drježdźanskeje Techniskeje uniwersity wabjachu tohorunja za swoje poskitki. Dohromady bě sydom stacijow, hdźež móžachu so młodostni do wšelakich rjemjeslniskich a techniskich powołanjow kaž tež do socialnych wobłukow zanurić. Dokelž bě ličba wobdźělnikow za kóždu hodźinu so znowa započinacy poskitk „čiń-sobu“-stacijow wobmjezowana, běchu organizatorojo wo přizjewjenje prosyli.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND