Łužiske lodohokejowe liški njedźelu zaso přěhrali

wutora, 06. decembera 2022
artikl hódnoćić
(0 )
Wjelk ze Selba (nalěwo) hišće na smykačomaj steji, Liška z Běłeje Wody pak klaka so hižo do dwuboja wo puk. Doma su Běłowodźenjo z 5:2 přećiwo Selbskim wjelkam dobyli, w Selbje pak po podlěšenju z 1:2 přěhrali.  Foto: Thomas Heide Wjelk ze Selba (nalěwo) hišće na smykačomaj steji, Liška z Běłeje Wody pak klaka so hižo do dwuboja wo puk. Doma su Běłowodźenjo z 5:2 přećiwo Selbskim wjelkam dobyli, w Selbje pak po podlěšenju z 1:2 přěhrali. Foto: Thomas Heide

Lodowe lawy Regensburg –

Łužiske lodohokejowe liški 3:1

(2:0, 0:1, 1:0)

Liški su wospjet z 1:3 přećiwo Regensburgej přěhrali. To je strózby facit po wonkownej hrě w Hornjej Pfalcy. Słabej prěnjej třećinje Liškow sćěhowaše sylniša druha a přerosćena třeća. Jónu bóle pokazachu so słabosće w hrě z hrajerjom wjac na lodźe, přetož štyri móžnosće wostachu njewužite. Regensburg porno tomu wuži jednu z dweju składnosćow a staji z tym wuhibki na dobyće. Wrota za domjacych docpěštaj Corey Trivino a dwoje Constantin Ontl. Jeničke wrota za Běłu Wodu přetwori Clarke Breitkreuz, a to samo z hrajerjom mjenje na lodźe. Jako běštaj so wrotar a škitar Lawow njedorozumiłoj, suny čisło 71 Liškow puk přez wrotowu liniju. Tak dyrbi so Běła Woda znowa na njedźeli přećiwnikej snadnje zbita dać, byrnjež běštaj bój a nastajenje zwjetša trjechiłoj.

W poslednej sekundźe dobyli

Łužiske lodohokejowe liški –

EC Kassel Huskies 4:3 p. p.

(0:0, 3:1, 0:2 - 1:0)

wozjewjene w: Sport
Prošu přizjewće so, chceće-li komentar podać

nawěšk

nowostki LND