Zwoprawdźenje zajimawych idejow je druhdy z mytowanjom zwjazane. Serbske šulske towarstwo (SŠT) je lětsa myće přijało, kotrejž chce mjez druhim na dobro rozšěrjenja serbskich rěčnych rumow zasadźić.

Budyšin (SN/MiR). Serbske kubłanske srjedźišćo LIPA ma so dale profilować. Za to chce Serbske šulske towarstwo, nošer zarjadnišća, tež pjenjezy wužić, kotrež je we wšelakich mytowanjach přijało. Dwě myće zdoby lětsa we wubědźowanju Załožby za serbski lud „Rěč zwjazuje“.