Z pomocu nałožkow rěč wuknyć

srjeda, 21. februara 2024
artikl hódnoćić
(0 )
Grete Stoppel z Horow je šulerka Kulowskeje wyšeje šule „Korla Awgust Kocor“. Wona wuknje z wulkim wjeselom serbšćinu a chodźi k jara wšelkim składnosćam w drasće Wojerowskich Serbowkow. Wona sej přeje, zo móhła na šuli intensiwnišo hač dotal serbšćinu wuknyć.  Foto: Ines Lešowa Grete Stoppel z Horow je šulerka Kulowskeje wyšeje šule „Korla Awgust Kocor“. Wona wuknje z wulkim wjeselom serbšćinu a chodźi k jara wšelkim składnosćam w drasće Wojerowskich Serbowkow. Wona sej přeje, zo móhła na šuli intensiwnišo hač dotal serbšćinu wuknyć. Foto: Ines Lešowa

Kulowskej kubłanišći, zakładna šula „Krabat“ a wyša šula „Korla Awgust Kocor“, dźěłatej na dobre wašnje hromadźe. To začuwaja šulerjo w běhu wšědneho šulskeho dnja, runje tak, kaž na wosebitych zarjadowanjach. Při tym hraje serbšćina stajnje hódnu rólu.

Kulow (AK/SN). K zahajenju noweho lěta na kubłanišćomaj wjesela so wuwučowacy a wuknjacy na prěni wulki wjeršk w běhu lěta – ptači kwas. Tak je mjeztym z tradiciju, zo přeprošuja šulerjo zakładneje šule serbšćinarjow wyšeje šule z 5. a 6. lětnika na program ptačeho kwasa. Lětsa so zarjadowanje 26. januara wotměwaše. Šulerka, kotraž so wosebje rady na serbskorěčnych poskitkach wobdźěluje, je Grete Stoppel z Horow. „Za mnje serbšćina prosće wulkotnje klinči. Při zwučowanju wurjekowanja wosebje wjele wuknu, při pěstowanju nałožkow tójšto nazhonju“, měni Grete. 14lětna młodostna je šulerka rjadownje 9A. Wona wuknje stajnje srjedu dwě hodźinje serbsce a by rěč rady hišće intensiwnišo wuknyła. To pak na šuli personalneje situacije dla móžno njeje. Pobrachuja cyle jednorje wučerjo.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND