Mnohostronske poskitki znowa wulki zajim zbudźili

póndźela, 04. měrca 2024
artikl hódnoćić
(0 )
Nowostka na lětušej schadźowance za swójby běše serbski kuzłar Aleksander Čornak, kiž zahori ze swojimi kartowymi trikami. Foto: Anja Nowakowa Nowostka na lětušej schadźowance za swójby běše serbski kuzłar Aleksander Čornak, kiž zahori ze swojimi kartowymi trikami. Foto: Anja Nowakowa

Chrósćicy (SN/AN). Mjeztym hižo 13. raz wuhotowa wčera popołdnju Rěčny centrum Witaj (RCW) swoju schadźowanku za swójby, kotraž wotměwaše so tež lětsa zaso z podpěru Kamjenskeje župy „Michał Hórnik“ w Chróšćan „Jednoće“.

„Dźensa zličichmy něhdźe 280 ludźi, mjez kotrymiž běše k našemu wjeselu zaso jara wjele nowych wobličow“, rozprawja regionalna rěčnica župy „Michał Hórnik“ Katharina Jurkowa. Zabawne zhromadne popołdnjo z najwšelakorišimi poskitkami zahaji so z krótkim programom rejowarkow „Łužičankow“. Po tym běchu wšitcy přeprošeni paslić, sportować, čitać, so z roboterami zaběrać abo cyle jednorje při šalce kofeja a dobrym kusku tykanca do rozmołwy přińć.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND