Lipšćanska uniwersita koncept reformow sorabistiki předstajiła

Drježdźany (SN/MG). Rada za serbske naležnosće Sakskeje bě so wčera, wutoru, posledni raz w tutym lěće schadźowała. Na dnjowym porjedźe běše jedyn dypk přewšo zajimawy: koncept, po kotrymž ma so Institut za sorabistiku na uniwersiće w Lipsku reformować. Hižo póndźelu bě ministerstwo za wědomosć, kulturu a turizm w nowinskej zdźělence wo tym informowało. Na posedźenju rady nětko třo zastupjerjo uniwersity detaile koncepta, kotryž Serbskim Nowinam předleži, wozjewichu.