„Kikštart“ z pisanej skupinu wuknjacych poručenje

štwórtk, 12. februara 2026
artikl hódnoćić
(0 )
Wučerjej serbšćiny na kursu projekta Zari z mjenom „Kikštart“ (wotlěwa): Florian Kaulfürst a Julian Nyča.  Foto: SN/Bojan Benić Wučerjej serbšćiny na kursu projekta Zari z mjenom „Kikštart“ (wotlěwa): Florian Kaulfürst a Julian Nyča. Foto: SN/Bojan Benić

Wulke Zdźary (SN/MiP). Dohromady dźesać wobdźělnikow schadźuje so wot póndźele wšědnje na intensiwnym kursu serbšćiny z mjenom „Kikštart“. Syć za serbsku rěč a regionalnu identitu Zari jón na zwučenym městnje w Krabatowym nowym wudworu we Wulkich Zdźarach přewjeduje. „Tole njeje prěni intensiwny kurs za započatkarjow. Smy pak jón lětsa wot dweju dnjow na štyri dny rozšěrili“, rjekny Julian Nyča, nawoda za wobłuk rěčne kubłanje pola Zari, wčera w rozmołwje ze Serbskimi Nowinami. „Minjene lěta smy zwěsćili, zo trjebaja wuknjacy znajmjeńša dźeń, zo bychu so zažiwili. Runje druhi dźeń eficienca wuknjenja jara stupa a tutón efekt chcemy w dlěšim kursu lěpje wužić“, znazorni Nyča, kotryž je zhromadnje z rěčnym motiwatorom Florianom Kaulfürstom tež wučer. Najebać njesnadny popłatk 320 eurow je kurs połnje wobsadźeny.

wozjewjene w: Kubłanje
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo