Prašeja so ludźi za serbšćinu poručenje

pjatk, 13. februara 2026
artikl hódnoćić
(0 )
Nawodnica rěčneho slědźenja Zari dr. Cordula Ratajczakowa (naprawo) je wčera studiju předstajiła, z kotrejž chcedźa mjez druhim zwěsćić, kelko ludźi we Łužicy hornjoserbsce rěči. Zakład za to je woprašowanje ludźi. Wuslědki maja za dwě lěće předležeć. Jej po boku běše Božena Šimanec, nowinska rěčnica Domowiny.  Foto: SN/Bojan Benić Nawodnica rěčneho slědźenja Zari dr. Cordula Ratajczakowa (naprawo) je wčera studiju předstajiła, z kotrejž chcedźa mjez druhim zwěsćić, kelko ludźi we Łužicy hornjoserbsce rěči. Zakład za to je woprašowanje ludźi. Wuslědki maja za dwě lěće předležeć. Jej po boku běše Božena Šimanec, nowinska rěčnica Domowiny. Foto: SN/Bojan Benić

Reprezentatiwna studija wo wuznamje našeje rěče we Łužicy

Budyšin (SN/jp). „Efektiwna rěčna politika a naslědne spěchowanje serbskeje rěče měło na woprawdźitej potrjebje bazować. Studija skići za to spušćomny zakład datow“, měni dr. Cordula Ratajczakowa, nawodnica rěčneho slědźenja projekta Zari, syće za serbsku rěč a regionalnu identitu w nošerstwje Domowiny. Wčera je wědomostnica w sydarni Serbskeho domu w Budyšinje reprezentatiwnu studiju „Serbska rěč w našim regionje“ předstajiła. Zaměr studije je, wědomostne dopóznaća wo rozšěrjenju a nałožowanju hornjoserbšćiny w serbskim sydlenskim rumje Sakskeje a wo nastajenju tudyšich wobydlerjow k njej zdobyć. Na zakładźe woprašowanja ludźi chcedźa zwěsćić, kotry wuznam serbšćina za wobydlerjow Hornjeje Łužicy ma. Podobne a přirunajomne přepytowanje je so posledni raz před něhdźe 40 lětami přewjedło. Aktualne a wědomostnje wobkrućene daty wo połoženju hornjoserbšćiny njepředleža.

wozjewjene w: Kubłanje
Prošu přizjewće so, chceće-li komentar podać

LND onlineshop 2026

Nowe poskitki LND namakaće w lětušim wudaću Nowinkarja!

Nowinkar 2026-27

HSSL25

Chróšćan Šulerjo

Midas Logo