Nowy dobyćer turněra CDU

wutora, 26. měrca 2019 spisane wot:

We Worklecach wotmě so njedawno 9. młodźinski koparski turněr zapósłancow krajneho sejma Alojsa Mikławška a Franka Hirchi kaž tež europskeho zapósłanca Hermanna Winklera.

Dohromady wobdźěli so we Worklečanskej sportowej hali dźesać wólnočasnych koparskich teamow. Tež tři serbske cyłki běchu zastupjene. Zakitowarja pokala ze Smjerdźaceje zastupowaše cyłk z Pančic-Kukowa a tež dwaj kolektiwaj Wor­klečanskich koparskich přećelow poda­chu so na halowy parket. Dale hrajachu Gymnazij Kamjenc, Gymnazij Wojerecy, Traktor Jitk, DRK Komando Ohorn, Accumotive I a II a TSV 1805 Ohorn.

Halowy rěčnik Jonas Klawitter, kiž je tež šulerski rěčnik Kamjenskeho Lessingoweho gymnazija, měješe tón dźeń kopicu­ dźěła, wšako su koparjo wjele wrotow třěleli. Mjenje dźěła měješe sudnik Detlef Kral při zwjetša fairnym wotběhu wubědźowanja. Moto tež bě, z wjeselom při kopańcy dobru zhromadnosć pěstować.

Wuspěšna premjera koparskeho turněra

wutora, 26. měrca 2019 spisane wot:

Dwójce hižo přewjedźechu wólnočasny turněr Worklečanskich koparskich pře­ćelow na trawniku w Jaseńcy, w hali pak hi­šće nic. Do premjery we Worklečanskej ćěłozwučowarni pak mějachu wól­no­­časni wjesni koparjo najprjedy raz dwaj problemaj rozrisać, dokelž njemě­jachu přistup do towarstwoweje rumnosće a tak k posłužowanju wuslědkoweje tafle. Zarjadowarjo pak to najlěpše z toho sčinichu.

Wosom cyłkow je so nětko w modusu kóždy přećiwo kóždemu wubědźowało; mjez druhim tež młodźina C Módro-běłych Njeswačidło, kotraž pak so dorosćenych scyła njeboješe. Z wuběrnym wustupowanjom postara so wona wo wulke woči mjez přihladowarjemi.

Po 28 zetkanjach a něhdźe pjeć ho­dźinach hrajneho časa móžeše so team No Name z Pančic-Kukowa, kotryž bě hižo­ dwójce w Jaseńcy dobył, nad pokalom wjeselić. Druhe městno wobsadźi VSG Njeswačidło před prěnim mustwom Worklečanskich koparskich přećelow.

Wuslědki (26.03.19)

wutora, 26. měrca 2019 spisane wot:

Kopańca, regionalna liga muži

Auerbach – Rathenow 2:3 (0:1)

Babelsberg – HŁ Neugersdorf 4:0 (3:0)

BFC Dynamo – Hertha BSC II 0:4 (0:2)

Kamjeničanski FC – Budyšin 1:0 (0:0)

Biskopicy – Viktoria Berlin 2:1 (1:1)

Berlinski AK – VSG Altglienicke 2:1 (0:1)

Halberstadt – Lok Lipsk 0:0 (0:0)

Fürstenwalde – Meuselwitz 0:2 (0:0)

Erfurt – Nordhausen1:0 (1:0)

Nic wosebje rjana, za to pak wuspěšna hra

póndźela, 25. měrca 2019 spisane wot:

MSV Budyšin II – Viktoria Worklecy 0:3 (22:25, 17:25, 20:25)

1. Volleys Koblicy 13 39 : 6 39

2. CVJM Zhorjelc 14 36 : 21 31

3. Viktoria Worklecy  13 34 : 15 30

4. MSV Budyšin 04 II  14 24 : 29 17

5. Módro-běli Wojerecy II 13  22 : 24 16

6. TSV Niederoderwitz  13 19 : 31 14

7. TSV Kundraćicy 13 21 : 33 13

8. ST Wulka Dubrawa 13 18 : 30 13

9. OSSV Kamjenc 14 14 : 38 7


Worklečanscy wolejbulisća mějachu so­bo­tu wonkownu hru w Budyšinje, atmosfera w Daimlerowej hali pak bě skoro kaž doma we Worklecach. Wo to posta­rachu so žony Hrajneho zjednoćenstwa Pančicy-Worklecy, kotrež su z połnym mustwom, bubonom a sylnymi hłosami „młodym dźiwim“ rjap skrućeli. To bě tež trjeba, započachu dźě Worklečenjo hru jara njekoncentrowanje. Hač do stawa 20:16 hosćićeljo přeco nawjedowachu, byrnjež sami žane sylne akcije njeměli. Za to bě započatk sadźby „festiwal“ zmylkow při nadaćach, w přiwzaću a bloku, a to pola Worklečanow kaž tež pola MSV, jenož něšto mjenje pola domjacych. Tak dosahaše jenož krótka serija sylnych nada­ćow Stephana Gedika (do toho tež skerje njewěsty) a sadźba bě z 22:25 zwjertnjena.

W druhej połseriji prěnju poražku poćerpjeli

póndźela, 25. měrca 2019 spisane wot:

Drohotka Ramnow

– Sokoł Ralbicy/Hórki 3:1 (1:0)

Zestawa hosći: Schöne – Hilbich (46. Schultz), Šewc, Bjeńš, Rawš, Matka, Korjeńk, Šołta, Wowčerk, G. Kurjat (65. Gloxyn), M. Kurjat (46. Bejmak)

Prěnje štyri hry druheje połserije njebě­chu koparjo Sokoła Ralbicy/Hórki přěhrali, njedźelu w Ramnowje pak ča­kaše na nich prěnja poražka. Duel třeći pře­ćiwo štwórtemu tabulki bě wot prěnjeje do poslednjeje mjeńšiny wurunana naležnosć, jeno zo domjacy swoje šansy lěpje­ wužiwachu. Skerje pak domino­­wachu dwuboje a małe foule. Při wot­zam­knjenju abo poslednjej přihrawce pobrachowaše na woběmaj stronomaj konsekwentnosć. Tak dopomha hosći­ćelej standard před Ralbičanskej šěsnatku k nawjedowanju. Nico Hilbich foulowaše swojeho přećiwnika, a rutinowany Patrick Herrmann zběhny kulowatu kožu wyše murje do wrotow Willija Schöny. Tón drje bě hišće z porstami při bulu, ale njezamó jón wotwobarać.

Awtorka dźensa

Halena Jancyna

Njedawno słyšach w radiju interview z Alisu Fatum. Znajeće ju? Wona je dwójna swětowa mišterka, wobaj titulej wudoby sej w Murmansku. Nětko so zawěsće prašeće, w kotrej sportowej disciplinje da!? – na, w lodowym płuwanju, němsce Eisschwimmen. Dokelž je mi tale ekstremna sportowa družina njeznata, sym so raz w interneće wobhoniła.

W ruskim Murmansku su njedawno swětowe mišterstwa w lodowym płuwanju přewjedli, a to w třoch disciplinach. Woda měješe temperaturu wokoło nule, štož je tež za nazhonitych płuwarjow ekstrem­nje zyma. Za němskich sportowcow pak bě to po zdaću runje prawa temperatura, dokelž docpěchu jako stafla 4×250 m wólny stil nowy swětowy rekord. W 12:08:37 min wudoby sej kwartet titul před Pólskej a Ruskej. Za Němsku star­towaca štwórka Alisa Fatum, Christof Wandratsch, Stefan Runge a Tobias Jäkle wyskaše po dobyću. W kralowskej disci­plinje 1 000 m wudoby sej płuwarka z Lipska­ Alisa Fatum druhi titul. Němski team bě najwuspěšniše mustwo na swě­towych mišter­stwach. Jeničce pola muži přesadźi so Peter Stojčew z Bołharskeje, a to w 12:10:81 min na 1 000 m.

Wuslědki (25.03.19)

póndźela, 25. měrca 2019 spisane wot:

Kopańca, wokrjesna wyša liga

Połčnica – Kinspork/Łužnica 2:0 (1:0)

Wojerowski FC – Radwor 2:0 (0:0)

Rakečanske ST – Porchow 6:0 (3:0)

Kulow – Germania Budyšin 2:1 (1:0)

Hory – Bukecy2:0 (0:0)

Němske Pazlicy – Kumwałd 2:2 (2:0)

Großnaundorf – Hnaš.-Dobruša 2:4 (1:2)

1. Rakečanske ST 20 77 : 11 55

2. Módro-běli Kulow 20 47 : 20 45

3. Drohotka Ramnow 20 45 : 28 37

4. Sokoł Ralbicy/Hórki 20 36 : 30 33

5. Wojerowski FC 20 46 : 33 32

6. Póst Germ. Budyšin 20 44 : 36 31

7. LSV Hory 19 39 : 34 31

8. TSV Połčnica 19 36 : 39 29

9. ST Hnašecy-Dobruša 20 41 : 43 28

10. Motor Kumwałd 20 38 : 43 27

11. ST Kinspork/Łužnica 20 31 : 39 26

12. Natwar Něm. Pazlicy 19 32 : 34 23

13. ST Porchow 20 24 : 50 14

14. Zeleno-běli Bukecy 20 27 : 67 14

15. SG Großnaundorf 19 32 : 51 13

16. ST Radwor 18 16 : 53 5

Sport (22.03.19)

pjatk, 22. měrca 2019 spisane wot:

Dźensa doma, srjedu w Kamjencu

Konječanscy blidotenisća maja w prěnjej wokrjesnej lize přichodny čas hišće někotre razy hrać. Tak budźe to w běhu tydźenja hnydom dwójce.

22.03. 19:00  DJK Konjecy –

  SZ Wětnica/Hola III

27.03. 19:00  Lokomotiwa Kamjenc –

  DJK Konjecy

Kónctydźenska kopańca

23.03. 13:00  Módro-běli Kulow II –

  HZ Wětnica/Hola/Łuty II

23.03. 15:00  FSV Wódrjeńca II –

  SJ Chrósćicy

23.03. 15:00  Wojerowski FC –

  ST Radwor

23.03. 15:00  Rakečanske ST –

  ST Porchow

23.03. 15:00  Módro-běli Kulow –

  Póst Germania Budyšin

23.03. 15:00 HZ Łaz/Běły Chołmc –

  ST Marijina hwězda

24.03. 15:00  Drohotka Ramnow –

  Sokoł Ralbicy/Hórki

24.03. 13:00  SJ Njebjelčicy II –

  ST Hlinowc

24.03. 15:00  SJ Njebjelčicy –

  Traktor Malešecy

Domjacej hrajnej dnjej

Poslednjej kóncaj tydźenja w měrcu změja holcy a žony kaž tež mužojo wolejbuloweju mustwow Viktorije Worklecy w swójskej hali ćežkej nadawkaj.

Jutře, sobotu, pohosći Hrajne zjednoćenstwo Pančicy-Worklecy wot 14 hodź. načolnika wobwodneje ligi CVJM Zhorjelc. Zajimawši pak budźe zawěsće ju­­třiši druhi duel dnja přećiwo tabulko­wemu susodej OSC Lubij. Z nim móhli Pančičanki a Wor­klečanki w padźe do­byća městno w tabulce změnić.

Dypkaj z ruki dali

štwórtk, 21. měrca 2019 spisane wot:

ST Nadrózna Hrabowka

– SJ Njebjelčicy 2:2 (1:2)

Zestawa hosći: Hahn –D. Kral, Korjeńk, Hanuza, Hrjehor (61. S. Kral), Pawlik, Plaettner, Korjeńk, Gödig (46. Ričel), Čornak (61. Zeller), Lejnart, Domš

Na Njebjelčanow čakaše we winowatostnej hrě w Nadróznej Hrabowce twjerde hrajnišćo a k tomu mustwo, kotrež­ kompaktnu a ćělnje robustnu kopańcu lubuje. Wobě wobstejnosći pak cho­wan­cam trenarja Handrija Krawčika tak prawje njetyjetej. Zaměr, partiju zahe na­­wjedować, pak so jim přiwšěm poradźi. Hižo w 4. min. docpě Handrij Korjeńk po spěšnej kombinaciji w srjedźnym po­lu­ a po přihrawce Olivera Domša 0:1. Wotnětka skićachu so hosćom dalše rumy za nad­běhi. Tak přewza Robert Lejnart w 13. min. centralnje bul a třěli jón wó­trje k 0:2 do wrotow. Hakle nětko tón tak prawje wotući. Wótry kop z bliskosće wotwobara Njebjelčanski wrotar Nico Hahn z prima reakciju k róžkej (16.). Ale pjeć mjeńšin pozdźišo bě wón bjez šansy, jako nadběhowar Tommy Wendt na 1:2 skrótši. W 35. min. posłuži William Plaettner z wulkotnej přihrawku Roberta Lejnarta, jeho wótry kop pak wrota snadnje misny. Škoda, to móhł předrozsud być.

Z dypkom druhu połseriju zahajili

štwórtk, 21. měrca 2019 spisane wot:

ST Ćisk – SJ Chrósćicy 1:1 (0:0)

Zestawa hosći: Králíček – L. Zahrodnik, Sentivan, Cyž, Püschel, M. Zahrodnik, G. Zahrodnik (87. Bogusz), Runt (79. Henčl), Młynk, Henzl, Beneš

Po tym zo bu minjeny raz dypkowa hra přećiwo rezerwje FC Hornjeje Łužicy Neugersdorf špatnych hrajnych wob­stej­nosćow dla wotprajena, poda so prěnje koparske mustwo Chróšćanskeje SJ nětko na puć do Wojerec. W Jahnowym stadionje nastupi na kumštnym trawniku přećiwo štwórtemu tabulki ST Ćisk.

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND