Wšitke hry dobyli – Róžeńčenjo pokal zdźerža
Dźesać mustwow na halowym koparskim turněrje wo pokal CDU we Worklecach so wobdźěliło
Róžeńčanske wjesne koparske mustwo je 26. halowy turněr wo pokal Worklečanskeje wjesneje skupiny CDU dobyło. To je so cyłkej wokoło kapitana Jurja Bjeńša (klečo srjedźa) třeći raz za sobu poradźiło. Tak wostanje koparski pokal na přeco w Róžeńće. Foto: Konstantin Hrjehor1991 bě zapósłanc Sakskeho krajneho sejma Alojs Mikławšk prěni raz šěsć koparskich mustwow do Worklečanskeje ćěłozwučowarnje witał, zo bychu tam wo pokal Worklečanskeje wjesneje skupiny CDU wojowali. Mjeztym wuwi so wurisanje k sobu najwoblubowanišim a po niwowje najlěpšim serbskim halowym turněram. Stajnje přeprosychu sej Worklečenjo tež nowe mustwa. Po lońšej přestawce přetwara sportoweje hale dla móžeše Alojs Mikławšk zašłu sobotu nětko dźesać cyłkow witać.
Trenar koparjow Sportoweho towarstwa Ćisk chětro njespokojom
Po poslednjej hrě do zymskeje přestawki je so sportowy reporter Werner Müller z trenarjom prěnjeho koparskeho mustwa ST Ćiska Stefanom Hoßmangom rozmołwjał. Jeho chowancy hraja w krajnej klasy.
Nětko je načasu wróćo zhladować, kak je prěnja połserija 2017/2018 za Was a mustwo běžała?
S. Hoßmang: Njemóžemy docyła spokojom być. Z třomi dobyćemi za sobu smy do sezony startowali. To bě překwapjenka. Tež w krajnym pokalnym kole je mustwo z teamworkom přeswědčiło a docpě třeće koło. Na tajke wukony pak w dypkowych hrach nawjazać njemóžachmy. Tójšto dypkow smy přećiwnikam darili. Hry w Mužakowje (1:5), w Drježdźanach-Laubegasće (1:4), w -Strěžinje (0:4) a Oderwitzu (3:4) běchu chětro słabe. Hakle w poslednjej třećinje pokazachmy zaso trochu stabilniše wukony, wotpowědne dobre wuslědki pak so poradźili njejsu. W hru rozsudźacych scenach pobrachowaše nam poslednja konsekwenca, wrotam zadźěwać abo je sami docpěć.
Na kotrym městnje nětko stejiće?
Tójšto dźěći w Budyšinje startowało
Połčas na turneji po štyrjoch skakanišćach
Hižo 66. raz wotměwa so tuchwilu tradicionalna, mjez přiwiskom zymskeho sporta woblubowana turneja po štyrjoch skakanišćach. Wubědźowanje žněje pola skakarjow jara wysoku hódnotu. Po olympiskim triumfje je wona druhi najwažniši titul, kotryž móže sej atlet w běhu karjery zdobyć. Štyri wšelakore skakanišća, štyri kwalifikacije, wosom hódnoćenskich skokow plus stajnje hinaše wětřikowe wuměnjenja. Tuž je najkonstant- niši skakar pytany. Na cyłkowne dobyće čaka Němska hižo wot lěta 2002. Tehdy bě Sven Hannawald jako posledni Němc turneju ze štyrjomi dnjowymi wuspěchami dobył. To bě jónkrótny rekord, kotryž njezamó dotal nichtó wospjetować.
Volleyballisća SGB znowa dominuja
Volleyballisća Serbskeho gymnazija Budyšin (SGB) steja w cyłkownym wokrjesnym hódnoćenju šulow ze štyrjomi prěnimi a štyrjomi druhimi městnami znowa před Goethowym gymnazijom Biskopicy na čole.
Hižo mnohe lěta wotměwaja so pod hesłom „Młodźina trenuje za olympiju“ tež w hali na Budyskim Třělnišću šulerske wokrjesne wurisanja we volleyballu z najstaršej starobnej skupinu I (11. do 13. lětnik). Wukónc wubědźowanjow, kotrež zakónčichu so krótko do hodownych prózdnin, bě z wida SGB tróšku njezbožowny. Najprjedy přěhrachu naše šulerki finalnu partiju přećiwo Schillerowemu gymnazijej z 20:25 a 21:25 a krótko po tym dyrbjachu so naši hólcy w napjatym kónčnym rozestajenju Goethowemu gymnazijej Biskopicy ze 17:25 a 16:25 kłonić.
Basketballowe mustwo U 18 MSV Budyšin hraje tučasnje wuspěšnje wo ...
Widźał,słyšał, napisał (02.01.18)
Twjerdźu, zo njeje w stawiznach kolumny Widźał, słyšał, napisał (WSN) hišće ženje jedyn a tón samsny pisar WSN-lěto zahajił a zakónčił. Móžno to wězo je, prawdźepodobnosć pak je skerje snadna. W nowym planje mjenujcy steji, zo směm ja dźensa kaž tež 27. decembra 2018 pisać. Cyłkownje je 53 přinoškow planowanych, kotrež su pola 13 awtorow skazane. Jan Macka hižo njepisa, nowu pisarku/noweho pisarja njeje sportowa redakcija Serbskich Nowin zdobyć móhła. Snano so jej to w běhu tohole lěta poradźi.
WSN-lěto 2018 zahajam z podawiznu, kotraž je so loni kónc nowembra pola nas doma w Róžeńće stała. Zhromadnje z někotrymi wjesnjanami běchmy sej na 13. hrajnym dnju zwjazkoweje koparskeje ligi duel mjez Borussiju Dortmund (BVB) a FC Schalke 04 wobhladali. Fanow Schalke we wsy po zdaću nimamy – ju jedyn dźěła w Róžeńčanskej swěčkarni –, za to pak někotrych BVB-přiwisnikow, wjacorych fanow FC Bayern Mnichowa stajnje po jednym přiwisniku za Herthu BSC, FC Energiju Choćebuz a FC Rudne horiny Aue. Mamy pak tež kopicu fanatikarjow, hołdowacych Dynamu Drježdźany.
Štóž husycu jě, móže sej jutež zaso wotběhać
Pod tymle hesłom startowachu w Němskich Pazlicach tež někotři wopytowarjo diskoteki Herbert 25./26. decembra. Hač do ranja w sedmich woni tam swjećachu a stejachu hižo w dźesaćich zaso při sportowym centrumje, zo bychu so druhi hodowny swjaty dźeń na pjećkilometrowsku čaru wokoło Němskopazličanskeho wulkeho hata podali.
Byrnjež njebjo chětro šěre było, je 260 wólnočasnych sportowčow a sportowcow 26. hodownika do Němskich Pazlic přišło. Mjez nimi bě samo sportowc na jednokolesu (Einrad) z Großröhrsdorfa. W cilu přijachu wšitcy wopismo za 16. wotběhanje hodowneje husycy a napoj hosćićela.
Sportowe towarstwo Natwar Němske Pazlicy so sponsoram ludosportoweho zarjadowanja wutrobnje dźakuje a přeje wšěm wšo najlěpše w nowym lěće.
Jutry póndźelu su potom wšitcy na 12. wotběhanje jutrownych jejkow přeprošeni. Norbert Adler
Přihoty Budissy na druhu połseriju
Koparjo regionalneho ligista Budissy Budyšin maja w januarje wobšěrny přihotowanski program za druhu połseriju zmištrować. Hra 27. wulkeho róžka přećiwo FC Hornjej Łužicy Neugersdorf so jenož přewjedźe, wostanje-li kónc tydźenja bjez nachwatanskeje dypkoweje hry.
03.01. prěnja treningowa jednotka 2018 Budyšin
10.01. – 14.01. treningowe lěhwo Sokolov (CZ)
13.01. FSV Budissa Budyšin – VFC Plauen Sokolov
17.01. 19:00 FSV Budissa Budyšin – Radebeulski BC Budyšin
20.01. 11:00 FSV Budissa Budyšin – Jednota Kamjenc Budyšin
27.01. 11:00 FSV Budissa Budyšin – FC HŁ Neugersdorf Budyšin Kilian Hrjehor
Sport (29.12.17)
Na silwesterski běh
Sportowe towarstwo Čerwjeno-běli Budyšin 90 přewjedźe njedźelu, 31. hodownika, na Budyskej Młynkec łuce 51. silwesterski běh. Start za hłownej distancy 10,6 a 5,3 km je za 9.30 hodź. planowany, tón za krótšu čaru 2,5 km budźe dźesać mjeńšin pozdźišo.
Ludosportowy turněr blidotenisa
5. januara we 18 hodź. zetkaja so wólnočasni blidotenisća z Kulowa a wokolnych wsow na 1. ludosportowy blidotenisowy turněr po Nowym lěće, a to w małej Kulowskej sportowej hali. Organizatoraj stej TV Hózk/Kulow 1974 a wotrjad blidotenis Módro-běłych Kulow.
Zymski wrotowy festiwal
Kulowminatije a United Clubs for Kulow přeprošeja wšitkich koparjow z města a wsow na zymsku ediciju najwjetšeho wrotoweho festiwala kołowokoło Kulowa. 6. januara změja tam pjaty nakład zymskeho Kulow-cupa. Zakop we wjacezaměrowej hali je w 12 hodź. Přizjewjene su tele mustwa: Dołha garda, Zelena garda, Company of Kulow, Team Toplife, Gut Kickerz, Wjesni hłupacy, Söffner a Kulowminatije.
Halowy turněr TCM
