Krótkopowěsće (21.05.15)

štwórtk, 21. meje 2015
artikl hódnoćić
(0 )

Mjenje wolerjow

Budyšin. Ličba wólbokmanych za wólby krajneho rady spočatk junija je so porno zašłym wólbam znižiła. K wólbam krajneho rady Budyskeho wokrjesa je 262 000 ludźi , štož je wo 20 000 mjenje hač w lěće 2008. Jako kandidataj za zastojnstwo krajneho rady nastupitaj Michael Harig (CDU) a Jens Bitzka (Zwjazk90/Zeleni).

Wohrožene šmrěki

Ústí nad Labem. W parkach wjacorych sewjeročěskich městow pod Rudnymi horami přiběraja posledni čas šmrěki z brunej jehlinu. Přičina brunosće je wosebita družina šmicow. Tuta kóncuje wosebje mjenje rezistentny sewjeroameriski šmrěk, kotryž su prjedy w regionje husto sadźeli. Fachowcy pruwuja zasadźenje insekticidow přećiwo nim.

Škit před wulkej wodu

Zhorjelc. W Leubje pola Wostrowca přepodachu wčera připrawy přećiwo wulkej wodźe Nysy. Dotal je rěka stajnje zaso při wyšim stawje wody ležownosće zapławjała. Nětko škitaja 1,2 kilometraj dołhi a 2,65 metrow wysoki nasyp a 50 metrow dołha škitna sćěna kaž tež klumparnja wjes před wulkej wodu, kajkaž so pječa jenož kóžde sto lět jewi.

Pojědu na sakske finale

wozjewjene w: Krótkopowěsće
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND