Třistronski farski statok swědči wo bywšim kuble

štwórtk, 09. julija 2015
artikl hódnoćić
(0 )
Pohlad na Njebjelčansku faru. W pódlanskich twarjenjach stej mjez druhim wosadnica a žurla za wjetše zarjadowanja zaměstnjenej.  Foto: Alfons Handrik Pohlad na Njebjelčansku faru. W pódlanskich twarjenjach stej mjez druhim wosadnica a žurla za wjetše zarjadowanja zaměstnjenej. Foto: Alfons Handrik

Nimo cyrkwjow su tež farske domy něme swědki stawiznow. Ze swojej lětnjej seriju so po serbskich a dwurěčnych­ katolskich a ewangelskich wosadach rozhladujemy a předstajimy někotre fary – dźensa Njebjelčansku­.

Hižo wokoło lěta 1342 steješe w Njebjelčicach na městnje dźensnišeho kěrchowa cyrkwička, poswjećena swjatemu Měrćinej. Hač do reformacije starachu so tam wo Bože mšě a dalše słužby mniša 1294 załoženeho Kamjenskeho klóštra franciskanow. Mjeztym zo bu město Kamjenc dospołnje ewangelske, wostachu Njebjelčicy katolske. Za čas fararja Handrija Mróza so drjewjana cyrkwička 1739 wotpali. W lětach 1741 do 1743 natwarichu nowu wulku cyrkej na hórce w baroknym stilu. Twar Božeho domu podpěrowaše tehdy klóšter Marijina hwězda, kotryž měješe patronat nad wosadu. Wopony klóštra we a zwonka cyr­kwje kaž tež na farskim domje z lěto­ličbu 1798 na to skedźbnjeja.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND