Wojerowscy ćěkancy na njewěsty čas stawkuja

štwórtk, 13. awgusta 2015
artikl hódnoćić
(0 )
Z transparentami pokazuja ćěkancy na njeznjesliwy staw.  Foto: K. Demczenko Z transparentami pokazuja ćěkancy na njeznjesliwy staw. Foto: K. Demczenko

18 požadarjow azyla – 17 Syričanow a jedyn Irakčan – wot póndźele we Wojerowskim domje ćěkancow stawkuje a wjac njejě. Tak skedźbnjeja na swoje njeznjesliwe połoženje.

Wojerecy (KD/SN/JaW). Wjacori syriscy mužojo, mjez nimi Ahmad Quedir, čakaja hižo dlěje hač lěto na rozsud, hač smědźa w Němskej wostać abo nic. Ahmad je swoju domiznu wójny dla wopu­šćił. Jeho­ swójba wosta doma, wón Serbskim Nowinam wčera powědaše.

Štož na mnohich ćěkancow w Němskej čaka, je měsacy trajaca njewěstosć, hač smědźa wostać abo nic. Wo tym rozsudźa Zwjazkowy zarjad za migraciju a ćěkancow. Přilubjeny čas wobdźěłanja próstwow, dwaj tydźenjej, su runje pola jednoho dodźerželi, praješe Ahmad Quedir. Njeznjesliwa situacija bě tuž přičina, zo wobdźěli so sydom Syričanow kónc zašłeho měsaca na protestnym campje w Kamjenicy, zo bychu wobdźěłanje próstwow wo azyl pospěšili.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND