Pjeć Serbow do Choćebuskich měšćanskich knihow so zapisali
Choćebuz (HA/SN). Wot wčerawšeho steja w drohotnej čestnej chronice města Choćebuza nětko tež mjena pjeć zasłužbnych Serbowkow a Serbow.
Na zhromadźiznje měšćanskeho parlamenta su so woni do tychle měšćanskich knihow zapisali. Tak česći město Choćebuz jich najwšelakoriše skutkowanje na dobro serbskeje rěče a kultury w měsće a po cyłej Delnjej Łužicy. Kaž předsyda měšćanskeho parlamenta Reinhard Drogla (SPD) na wuradźowanju praji, wotměchu počesćenje składnostnje 25lětneho wobstaća Choćebuskeho Serbskeho domu. Zapisać smědźachu so tuž wčera do Choćebuskeje měšćanskeje chroniki Gizela Hašcyna, Sabina Siegowa, Harald Koncak, Erwin Mjeršeńc a Bjarnat Rjentš.