Koslowčanki z rolatorom

póndźela, 08. februara 2016
artikl hódnoćić
(0 )
Jedna z mnohich atrakcijow žonjaceho póstniskeho ćaha sobotu w Kulowje běchu Koslowčanki. Wone běchu jako wowki přišli, kotrež samo hišće z rolatorom swoje wjeselo maja. Alfons Handrik Jedna z mnohich atrakcijow žonjaceho póstniskeho ćaha sobotu w Kulowje běchu Koslowčanki. Wone běchu jako wowki přišli, kotrež samo hišće z rolatorom swoje wjeselo maja. Alfons Handrik

Z kóždym lětom wjace pisanych wobrazow w žonjacym póstniskim ćahu

Kulow (aha/SN). Hesło na Kulowskej radnicy pokazuje na to, zo so tam wot 1706, potajkim hižo 310 lět, karnewal swjeći. Mjeztym pak je wot 1988 z tradiciju, zo wuhotuja žony a holcy sobotu do róžoweje póndźele tež žonjace póstnicy.

Znowa je so žonjacy póstniski ćah jako přiwabliwa tradicija wopokazał, k čemuž miłe słónčne wjedro njesnadnje přino­šowaše. Zajimawe je w Kulowje zwěsćić, zo so w tamnišej drje jednej z najwjetšich karnewalowych metropolow Sakskeje kóždolětnje wjace žónskich skupin do wuhotowanja wosebiteho póstniskeho ćaha zarjaduje. Moderatorce na jewišću Kulowskeho torhošća Sabine Richter a Bärbel Oleg stej 78 pisanych wobrazow, wuhotowanych wot znajmjeńša 800 žonow, młodych holcow a samo dźěći, žortnje komentowałoj. Dwójce su nory na połtřeća kilometra dołhej čarje tysacy ludźi zbliska a zdaloka zawjeselili. Bjezwu­wzaćnje wšitcy dźě su so tydźenje do toho zaběrali, zo bychu ze swojimi přewšo pisanymi a kreatiwnymi kostimami k lóštnej naledźe přinošowali.

wozjewjene w: Lokalka

Galerija

dalši wobraz (1) Tež žony z Noweje Wjeski so kóžde lěto na žonjacym póstniskim ćahu wobdźěleja, lětsa jako sněholinki.
dalši wobraz (2) Rjanu ideju mějachu Smjerdźečanske žony, kotrež běchu sej pisany kostim błudničkow wumyslili.
Prošu přizjewće so, chceće-li komentar podać

nawěšk

nowostki LND