Gymnazij a wobydlerski zwjazk přeprošatej ludźi so zetkawać
Wojerecy. Ćěkancy trjebaja wšědny dźeń angažowanych a wěcywustojnych přewodźerjow. „Jenož tak přewinu strach před wobydlerjemi Němskeje. Domoródni pak trjebaja zmužitosć, so ćěkancam wotewrěć. Jeno z nimi so zetkawajo zhubja woni swoje wobmyslenja a předsudki“, podšmórny farar Jörg Michel z ewangelskeje cyrkwinskeje wosady Wojerecy-nowe město, sobuzałožer wobydlerskeho zwjazka „Wojerecy pomhaja z wutrobu“, njedawno w zetkawanskej kofejowni Wojerowskeho Leona Focaultoweho gymnazija. Přeprosyłoj běštej kubłanišćo a wobydlerski zwjazk zhromadnje. Šulerjo podawachu wopytowarjam samopječeny tykanc. Dźěći móžachu paslić a sej hrajkać. Dorosćeni w tym času bjesadowachu.
Nazhonjenja su dobre
